Qostanaı oblystyq polısııa departamentiniń baspasóz qyzmeti 28 qazan kúni Jangeldın aýdanynyń tabıǵatty qorǵaý polısııasynyń qyzmetkerleri Nurbek Dúısenbaev pen Ábýnasyr Ospanov "Ohotzooprom" ınspektorlarymen birlesip, Tartaq eldi mekenindegi sharýa qojalyqtarynyń birinen eki kıiktiń denesin tapqany týraly aqparat taratty, dep habarlaıdy Egemen.kz.
Polıseıler «Brakoner» operasııasy aıasynda Aqtóbe oblysynyń turǵynyn zańsyz ań aýlaǵany úshin ustaǵan.
«Bastapqy tergeý áreketterin júrgizý kezinde polısııa 45 jastaǵy er adamnyń Aqtóbe oblysynan kelip, qoıshy bolyp jumysqa ornalasqanyn anyqtady. Ol motosıklmen dalaǵa shyǵyp, aqbókenderdi aýlaı bastaǵanyn aıtty, - dep túsindirdi polısııa ókili. «Oqıǵa ornyn tekserý barysynda polıseıler kıiktiń eti men múıizin tárkiledi», delingen habarlamada
Jalpy jyl basynan beri óńirdiń tabıǵatty qorǵaý polısııasy zańsyz ań aýlaýdyń 14 faktisin anyqtaǵan. «Brakoner» jedel aldyn alý is-sharasynyń segiz kúninde tártip saqshylary 52 ákimshilik quqyq buzýshylyqty tirkegen.