Polıseıler qyraǵylyq tanytty. Atyraýlyq polıseıler jasóspirimdi qaǵyp, oqıǵa ornynan iz sýytqan júrgizýshini anyqtady, dep habarlaıdy Egemen.kz.
«29 qazan kúni saǵat 21:30 shamasynda Atyraý qalalyq polısııa basqarmasynyń «102» operatoryna qala turǵyny qońyraý shalǵan. Ol Satybaldıev kóshesindegi «О́rken» shaǵyn aýdanynda «BMW» markaly avtokólik jol jıeginde jasóspirimdi qaǵyp, oqıǵa ornynan qashyp ketkenin habarlaǵan. Atalǵan fakti boıynsha jedel basqarý ortalyǵynyń patrýldik polısııasy jáne beınebaqylaý qyzmetkerleri jedel-izdestirý jumystaryn júrgizip, 16 jastaǵy jasóspirimdi qaǵyp ketken júrgizýshi áıeldi anyqtady. 33 jastaǵy azamatsha óziniń kinásin moıyndap, oqıǵa ornynan qorqynyshtan jasyrynǵanyn aıtty», delingen oblystyq polısııa basqarmasynyń baspasóz qyzmetiniń habarlamasynda.
Polıseıler QR QK 345-baby boıynsha qylmystyq is tirkelgenin, tergeý júrgizilip jatqanyn habarlady.