Memleket basshysy Nursultan Nazarbaev Qazaqstan Respýblıkasy Kásipodaqtary federasııasynyń tóraǵasy Sııazbek Muqashevty qabyldady, dep habarlady Qazaqstan Respýblıkasy Prezıdentiniń baspasóz qyzmeti.
S.Muqashev Prezıdentti respýblıkalyq qoǵamdyq uıymnyń aǵymdaǵy jumysy, Qazaqstandaǵy jańa eńbek qatynastarynyń ornyǵý úderisi, bıylǵy jyly jazǵa josparlanǵan Kásipodaqtar federasııasynyń kezekti sezine jáne esep berý jınalysyna daıyndyq jasaý barysy týraly habardar etti.
Áńgimelesý barysynda aǵymdaǵy jyly QKF-nyń qurylǵanyna 20 jyl tolatyny atap ótildi. Osy ýaqyt aralyǵynda kásipodaqtarǵa memleket jáne Prezıdent tarapynan qoldaý kórsetilip keldi. Mysaly, 2008 jyly Jezqazǵanda ótken bıznestiń áleýmettik jaýapkershiligi jónindegi respýblıkalyq forýmda Memleket basshysy “Ujymdyq shart jasasańyzdar!” atty jalpyrespýblıkalyq aksııa týraly bastama kóterdi. Osynyń arqasynda 2009 jyly memlekettik organdardyń qatysýymen jumys berýshiler men kásipodaqtar arasynda 8 myńnan astam memorandýmǵa qol qoıyldy. Sonyń nátıjesinde, jumys oryndaryn qysqartýǵa jáne jumysshylardyń eńbekaqylaryn azaıtýǵa jol berilgen joq.
– Prezıdent Qazaqstanda kásipodaqtar qozǵalysyn damytýdyń negizgi baǵyttaryn maquldady. Memleket basshysynyń qoldaýynyń arqasynda biz Qazaqstandaǵy áleýmettik áriptestik máselesin sheshtik, – dedi S.Muqashev.
* * *
Memleket basshysy Nursultan Nazarbaev Qazaqstannyń IýNESKO janyndaǵy turaqty ókili Oljas Súleımenovti qabyldady, dep habarlady Qazaqstan Respýblıkasy Prezıdentiniń baspasóz qyzmeti.
Áńgimelesý barysynda Qazaqstan men IýNESKO yntymaqtastyǵyn damytý máseleleri, sondaı-aq bıylǵy jyly sáýirde Vashıngtonda ótken Iаdrolyq qaýipsizdik jónindegi jahandyq sammıttiń jumysynyń qorytyndylary talqylandy.