Grýzııanyń Ortalyq saılaý komıssııasy Tbılısıdiń qazirgi meri, Italııanyń «Mılan» fýtbol klýbynyń burynǵy oıynshysy Kaha Kaladzeniń ekinshi týrda jeńiske jetkenin rastady, dep habarlaıdy Egemen.kz.
OSK-nyń aldyn ala málimetterine zer salsaq, Kaha Kaladze 55,6 paıyz daýys jınaǵan. Onyń qarsylasy Nıkı Melııa 44,4 paıyz daýysqa ıelik etken. Nátıjeden habardar bolǵan Kaha Kaladze qala turǵyndaryna alǵysyn jaýdyrdy.
«Tbılısı turǵyndary óz tańdaýyn jasady. Men baqyttymyn. О́zime júktelgen jaýapkershilik júginiń aýyr ekenin sezinemin. Qalany ekinshi márte basqarýǵa múmkindik bergenderińiz úshin zor alǵysymdy bildiremin. Senimdi aqtaý úshin bar kúsh-jigerimdi sarqa jumsap, jumys isteýge daıynmyn», dedi ol áleýmettik jelilerdegi paraqshalarynda.