О́zbekstanda tártip saqshylary 3 kýrsta oqıtyn stýdent qyzdyń ar-namysyna nuqsan keltirmek bolǵan Tashkent memlekettik pedagogıkalyq ýnıversıteti dekanynyń jastar isi jónindegi orynbasaryn ustady, dep jazady Egemen.kz.
Jas qyz Zýlfııa syılyǵynyń baıqaýyna qatysý úshin odan minezdeme men resenzııa alǵysy kelgen.
«Boıjetkenniń aıtýynsha, keńseden basqa adamdar shyqqan kezde dekan orynbasary sharshaǵanyn aıtyp, oǵan kofe qaınatyp berýin ótingen. Ol oryndaı bastaǵan sátte orynbasar esikti ishinen jaýyp, jaryqty óshirgen. Qyz oǵash áreketten kúdiktenip, jedel jaqyn dosyna habarlasyp, tez kelýin ótingen. Kabınetten ketkisi kelgen ony dekan orynbasary ustap alyp, dıvanǵa jatqyza bastaǵan», dep jazylǵan Nemolchi.uz saıtyndaǵy habarlamada.
Sol sátte esik syrtyna jábirlenýshiniń dosy kelip úlgeredi. Aıǵaıǵa basqan qyz, qarýly qoldan bosanyp, terezege júgirip, kómekke shaqyrǵan.
Qyzdyń aıtýynsha, dekan orynbasary sol kezde ony terezeden ıterip jibergen.
Qyz asfaltqa qulaǵan soń, dekan orynbasary terezeni jaýyp, esikti ashqan. Dekannyń orynbasary jınalǵandarǵa qyzdyń ózi sekirip ketkenin aıtqan.