Qazaqstan Respýblıkasy Aqparat jáne qoǵamdyq damý mınıstrligi jáne Facebook birlesken málimdeme jasaǵany týraly habarlama taratty.
«Qazaqstan Respýblıkasynyń Úkimetine aqparattyq keńistiktiń qaýipsizdigin arttyrý máselesin sheshýge kómek kórsetý maqsatynda Facebook Qazaqstanǵa ishki «Kontentti habarlaý júıesine» («Content Reporting System» (CRS)) tikeleı eksklıýzıvti qoljetimdilik berdi. CRS Mınıstrlikke Facebook jahandyq kontenttik saıasatynyń da, Qazaqstan Respýblıkasynyń ulttyq zańnamasynyń da buzýshylyqtary bar kontent týraly jedel habarlaýǵa múmkindik beredi.
Qazaqstan Ortalyq Azııada kontenttik saıasatqa jaýap beretin Facebook kompanııasynyń halyqaralyq komandasymen tikeleı baılanys arnasyna jáne júıege qosylǵan alǵashqy el bolyp tabylady.
Facebook kompanııasynyń jurtshylyqpen baılanys jónindegi óńirlik dırektory Djordj Chen myrzanyń málimdeýinshe: Facebook Qazaqstan Úkimetimen, ásirese balalardyń ınternettegi qaýipsizdigin qamtamasyz etý baǵytynda birlesken jumysqa umtylady. Bizdiń uzaq merzimdi yntymaqtastyǵymyzdyń alǵashqy qadamy retinde biz Qazaqstan Úkimetine ýákiletti organdarǵa zııandy kontentpen neǵurlym tıimdi jáne pármendi kúresýge kómektesetin «Kontentti habarlaý júıesine» qol jetkizýge qýanyshtymyz. Facebook komandasy kıberkeńistiktiń qaýipsizdigin qamtamasyz etý maqsatynda qazaqstandyq mamandardy oqytýdy jalǵastyrady.
Aqparat jáne qoǵamdyq damý mınıstrligi, óz tarapynan, Facebook-pen ekijaqty yntymaqtastyqtyń qol jetkizilgen deńgeıin qanaǵattanýshylyqpen atap ótedi.
Osy jyldyń 28 qazanynda Facebook komandasy Mınıstrliktiń mamandaryna «Kontentti habarlaý júıesin», sondaı-aq Facebook kontenttik saıasaty jáne qoǵamdastyq standarttary boıynsha jumys boıynsha trenıng ótkizdi.
Qarasha aıynyń basynan bastap Mınıstrlik júıede jumys isteı bastaıdy.
Eki tarap ózara is-qımyldyń turaqty tetigin belgileýge, onyń ishinde Mınıstrlikpen túrli aspektiler boıynsha tyǵyz jumys isteıtin Facebook óńirlik ofısinen ýákiletti ókildi anyqtaý týraly kelisimge keldi.
Mınıstrlik «Kontentti habarlaý júıesin» paıdalaný Facebook jáne Instagram platformalarynda quqyqqa qarsy kontenttiń taralýyna qarsy is-qımyl boıynsha júrgizilip jatqan jumystyń jedeldigin jáne jalpy tıimdiligin arttyrýǵa múmkindik beretinine senim bildiredi.
Osy múmkindikti paıdalana otyryp, Mınıstrlik Qazaqstan naryǵynda jumys isteıtin ınternet-kompanııalarmen syndarly dıalog qurýǵa jáne yntymaqtastyq ornatýǵa daıyn ekendigin jáne qaýipsiz aqparattyq keńistikti qurý baǵytynda júrgizilip jatqan baǵytty ustanatynyn atap ótti», delingen QR Aqparat jáne qoǵamdyq damý mınıstrligi taratqan málimdemede.