Aqparat jáne qoǵamdyq damý mınıstri Aıda Balaeva «Facebook» kompanııasynyń birikken málimdemeni teriske shyǵarýyna qatysty pikir bildirdi, dep jazady Egemen.kz.
«Buqaralyq aqparat quraldarynda «Meta» (Facebook) kompanııasynyń Azııa-Tynyq muhıty aımaǵy boıynsha О́ńirlik keńsesiniń kommýnıkasııalar jónindegi dırektory Ben MakKonehı myrzanyń (Ben McConaghy) teriske shyǵarǵan málimdemesine baılanysty Qazaqstan Respýblıkasy Aqparat jáne qoǵamdyq damý mınıstrligi kelesini habarlaıdy. Aqparat jáne qoǵamdyq damý mınıstrligi negizgi kelissózderdi Gonkong qalasynda ornalasqan Qytaı, Mońǵolııa jáne Ortalyq Azııa óńiri boıynsha «Meta» (Facebook) kompanııasynyń óńirlik ofısimen júrgizdi», dep jazdy mınıstr óz paraqshasynda.
Sonymen qatar Aıda Balaeva BAQ-ta jarııalanǵan sheshimniń aımaqtyq keńestiń basshylyǵymen kelisilgenin aıtty.
«1 qarashada jarııalanǵan birikken málimdemeniń mátini men onyń BAQ-ta jarııalanýy atalǵan aımaqtyq keńseniń basshylyǵymen tolyqtaı kelisilgen bolatyn», dedi Aıda Balaeva.