Bul týraly Almaty qalasynyń ákimi Baqytjan Saǵyntaevtyń tóraǵalyǵymen ótken indettiń taralýynyń aldyn alý jónindegi jedel shtabtyń kezekti otyrysynda belgili boldy, dep jazady Egemen.kz.
Keńes barysynda Biontech jáne Pfizer birlesip ázirlegen «Komırnatı» preparatymen vaksınalaýǵa daıyndyq máseleleri qaraldy. Preparattyń jetkizilýi osy aıǵa josparlanǵan.
Almaty ákimdigi qala turǵyndaryna densaýlyqtaryn saqtaý úshin koronavırýs ınfeksııasyna qarsy vaksına alýǵa shaqyrdy. Vaksınasııalaý epıdemıologııalyq ahýaldy turaqtandyrýǵa, qala ómirin qalypty jaǵdaıǵa qaıtarýǵa, shekteý sharalarynyń alynýyna múmkindik beredi dep otyr.
Aıta ketetin jaıt, megapolıste kún saıyn 137 vaksınalaý pýnkti jumys istep tur.