Tynyshtyq degen Aýǵanstannan alystap ketken be dersiń. Kabýldaǵy aýrýhanada joıqyn jarylys boldy, dep habarlaıdy Egemen.kz.
Lańkestik shabýyl Densaýlyq saqtaý mınıstrliginiń janynda ornalasqan 400 oryndyq aýrýhanada bolǵan. Budan soń áskerı aýrýhanada jarylys qaıtalanǵan.
Tamyz aıynda tálipter iri qalalardy basyp alǵan soń 20 jyl boıy jalǵasqan soǵystyń aıaqtalǵanyn málimdegen. Tipti qyrkúıek aıynda jańa úkimet te qurylǵan bolatyn.
Qalaı bolǵanda da Aýǵanstannyń aspanyn qaýiptiń qara bulty torlap alǵandaı. Qazan aıynda Kabýl meshitiniń mańynda bolǵan jarylystan 12 adam kóz jumyp, 32 adam jaralanǵan edi. Sol aıda meshitterde taǵy eki ret jarylys oryn alǵan. Kandagar provınsııalarynda 42, Qundyzda 120 adam mert bolǵany jaıly da aqparat taraǵan. Alaıda, sol oqıǵalarǵa qatysty jaýapkershilikti áli kúnge eshbir uıym óz moınyna alǵan joq.