2 qarashada Aýǵanstan astanasy Kabýldaǵy Sardar Mohammad Daýd Han áskerı gospıtaliniń janynda eki qýatty jarylys pen atys dybysy estildi, dep habarlaıdy Egemen.kz ToloNews-ke silteme jasap.
Aýǵanstan Ýaqytsha úkimetiniń Aqparat jáne mádenıet mınıstriniń ekinshi orynbasary Bılal Karımıdiń aıtýynsha, alǵashqy jarylys Kabýldyń 10-shy aýdanyndaǵy Muhammed Daýd han aýrýhanasyna kirer aldynda bolǵan. Ekinshi jarylys aýrýhanaǵa jaqyn jerde boldy.
Ishki ister mınıstrliginiń ókili Saıd Gostı jarylystardyń biri aýrýhanaǵa kire beriste bolǵanyn rastady. Onyń aıtýynsha, aýyr zardap shekkenderdiń barlyǵy aýrýhanaǵa jatqyzylǵan. Oqıǵa ornyna qaýipsizdik kúshteri keldi. Jedel járdem mashınalary jaralylardy osy aımaqtaǵy aýrýhanalarǵa aparady. Jarylystardyń saldarynan kem degende toǵyz adam jaraqat alyp, Kabýldaǵy jedel járdem aýrýhanasyna jetkizildi.
TASS habarlaǵandaı, Muhammed Daýd han atyndaǵy aýrýhana 400 tósek-orynǵa eseptelgen jáne Aýǵanstan Qorǵanys mınıstrligine tıesili. Kýágerlerdiń aıtýynsha, oqıǵa mınalanǵan kóliktiń jarylýy saldarynan bolǵan.