Jańa aqyly joldar paıda bolady

«QazAvtoJol» UK» AQ-tyń habarla­ýynsha, 7 jańa aqyly ýchaskeni paıdalanýǵa en­­gizý týraly buıryq jobalaryna qol qo­ıyl­ǵan jáne Ádilet mınıstrliginde tir­­ke­lip jatyr. Olar: Nur-Sultan – Pav­lo­dar, Shymkent – О́z­bek­stan shekarasy (Tash­kentke), Shýchınsk – Kók­she­taý, Qapshaǵaı – Taldyqorǵan; Shym­kent – Taraz, Taraz – Qaınar, Shymkent – Qyzyl­or­da. Atalǵan ýchaskeler aqy alý júıe­si­­niń bar­lyq qajetti jabdyǵymen jabdyqtalǵan.

«Birinshi tehnıkalyq sanattaǵy ýchas­ke­ler­degi aqyly júıeni 2021 jylǵy 15 qara­shadan bastap engizý josparlanyp otyr. Bul rette osy ýchaskeler bıyl 1 qazan­nan bastap testilik paıdalanýǵa beril­gen bolatyn. Testilik paıdalaný naq­ty jaǵdaı­lar­da algorıtmderdiń jumy­syn, jóndeý baǵ­dar­­lamalaryn jáne derek­terdi óńdeýdiń teh­­no­logııalyq prose­sin tekserý úshin ony kommer­sııalyq paıda­lanýǵa berý aldynda aqy alý júıesi­niń ınf­raqurylymyn keshendi tekserý­di qam­tıdy», delingen kompanııa habarlamasynda.

Júıe boıynsha ýchas­ke­lerde shlag-baýmdar bolmaıdy. Avtomobıl­der­diń ótýi arnaıy kameralar men jabdyq­tar­dyń kómegimen baqylaý arkalaryna bekitiledi. Ashaq júıeniń basty ar­tyq­­shylyǵy – joldarda keptelister men ke­zek­terdiń bolmaýyna baılanysty avto­mo­bılderdiń jyldamdyq rejimin saqtaý.

Osyndaı joldarmen júrýge aqy tóleý úshin avtokóliktiń memlekettik nómi­ri­ne shotty toltyrýdyń 20-dan astam nus­qasy qa­ras­tyrylǵan: QAJ mobile (mobıldi qo­sym­sha), Kaspi.kz, Kiwi-ámııan, Forte Bank jáne taǵy basqa. Sondaı-aq sıgnal baqylaý arkalaryn­da oqylatyn jáne jol júrý tólemi esebi­ne teń­gerim esepten shyǵarylatyn arnaıy belgilerdi (RFID belgiler) jelimdeý kózdeledi.

2013 jyldan bastap I sanattaǵy aqyly ýchaskeler boıynsha jol júrý mólsherle­meleri ózgergen joq (Nur-Cultan – Shýchınsk alǵash­qy aqyly ýchaskesi engizilgen sátten bas­­tap) jáne ol ózgerissiz sol kúıinde qala­dy dep habarlaıdy kompanııa. Sonymen qatar «QazjolǴZI» AQ qoldanystaǵy tarıf­­terden edáýir tómen bolatyn II jáne III sanat­taǵy joldar úshin tarıfti aıqyndaý ádistemesin ázirlegen.