Amangeldi aýdanyndaǵy Tóken Eltebaev atyndaǵy mýzyka mektebinde Batpaqqara óńirine belgili ónerpaz, ulaǵatty ustaz Sándibek Áýbákiruly atyndaǵy baıan synyby ashyldy.
О́ner mektebinde ótken saltanatty sharaǵa ónerpazdyń jubaıy Nurbıke men uly Serik, sondaı-aq S.Áýbákirulynyń kózin kórgen áriptes-zamandastary men shákirtteri qatysty.
1974 jyly Amangeldi aýdandyq mýzyka mektebi ashylǵanda, alǵashqylardyń biri bolyp qyzmetke kelgen ustazdardyń biri Sándibek Áýbákiruly edi. Keıin osy mektepte biraz jyl basshylyq etip, jas urpaqty ónerge baýlýǵa kóp eńbek sińirdi. Aýdanda «Zamana bulbuldary» atty ansambl quryp, óńir mádenıetiniń órkendeýine zor úles qosty.
Saltanatty shara barysynda ónerpazdyń shákirtteri ustazdarynyń jarqyn beınesi men ónege-tálimi týraly saǵynyshqa toly estelikter aıtty.
– Men 1989 jyly T.Eltebaev atyndaǵy mýzyka mektebine baıan synybyn oqýǵa túsken kezde Sándibek ustazymyz mýzyka mektebiniń dırektory, al Nurbıke apaıymyz baıan synybynda oqytýshy bolatyn. Sándibek Áýbákiruly men meniń ákem marqum Qabdýalı dos, qurdas, keremet joldas bolatyn! Ekeýi elimizdiń qalalaryn, aýdandaryn talaı ret gastroldik saparmen aralap, shetelderge deıin baryp qaıtty. О́mirde de, ónerde de jup jazbaı qatar júretin. Búgingi ashylyp jatqan baıan mektebi jastar úshin jasalyp jatqan ıgi is dep bilemin, – dedi Amangeldi aýdandyq mýzyka mektebiniń túlegi Samal Ahmetjanova.
Baıan synybynyń ashylý rásiminde Sándibek Áýbákirulynyń ómiri men ustazdyq qyzmeti, shyǵarmashylyǵy týraly kóptegen estelikter aıtyldy. Jınalǵan kópshilik, ásirese, Nur-Sultan qalasynan kelgen ardager ustaz Aqshagúl Muqanovanyń, Alma Dosymbekova men ónerpazdyń uly Serik Sándibekulynyń áńgimelerin qyzyǵa tyńdady.
Sondaı-aq Serik Sándibekuly mektepke jańa synypqa qajet saz aspaptary men ákesi týraly jazylǵan «Sáýleli ǵumyr» atty kitabyn tartý etti. Rásim sońy mektep oqýshylarynyń merekelik konsertine ulasty.
Qostanaı oblysy