Qazaqstanda koronavırýs pen koronavırýs belgileri bar pnevmonııadan taǵy 26 adam qaza boldy. Bul týraly QR Densaýlyq saqtaý mınıstrliginen málim etti, dep habarlaıdy Egemen.kz.
1 qarashadaǵy derekterge sáıkes, el óńirlerinde koronavırýs pnevmonııasynyń jańadan 180 jaǵdaıy jáne 7 ólim jaǵdaıy tirkeldi. 242 adam emdelip shyqty.
Jalpy, 2020 jyldyń 1 tamyzynan bıylǵy 1 qarashaǵa deıin: aýyrǵandar sany – 79839, ólim-jitim – 5049, jazylyp shyqty – 69184 naýqas. Sondaı-aq 1 qarashadaǵy málimet boıynsha, koronavırýs ınfeksııasynan Qazaqstanda 19 adam qaıtys boldy.
2020 jyldyń 13 naýryzy – 2021 jyldyń 2 qarashasy aralyǵynda koronavırýstyń 943 105 oqıǵasy anyqtaldy. Qaıtys boldy – 12 152 adam.