Nur-Sultan - Bishkek baǵytyndaǵy áýe qatynasy jandanady, dep habarlaıdy Egemen.kz.
2021 jylǵy 2 qarashada Qazaqstan Respýblıkasynyń aýmaǵynda koronavırýstyq ınfeksııanyń paıda bolýy men taralýyna jol bermeý jónindegi vedomstvoaralyq komıssııanyń kezekti otyrysyna Nur-Sultan - Bishkek baǵytynda Qazaqstan men Qyrǵyzstan arasyndaǵy turaqty áýe qatynasyn qalpyna keltirý máselesi qaraldy. Nátıjesinde «Eır Astana» áýe kompanııasy jaqyn arada eki el astanasy arasyndaǵy reısterdi qaıta bastaıtyn boldy. Reıster sanıtarlyq-epıdemıologııalyq talaptardy qatań saqtaı otyryp jáne áýe kompanııasynyń saıtynda jarııalanǵan kestege sáıkes E190-E2/A – 320 áýe kemelerimen oryndalady.