Qarttaryn qadirlegen el ozady

О́ńirde izgi nıetti adamdar aǵa býynǵa izet bildirip, qam­qor­lyq kórsetýden ózara jarys­qa tús­kendeı. Alýan-alýan taǵ­dyr­dyń tálimdi tusy – jas ur­paq­tyń adastyrmas temirqazyǵy. Otany­myzdyń ósip-órkendeýine, turmys-salttyń jańǵyrýyna kóki­­regi qazyna ardaqty qart­tary­­myz­dyń qosyp otyrǵan úle­sin aıryqsha maqtanysh sezim­men aýyz toltyryp aıtýǵa ábden bola­dy. Jalǵyz qarttar aıly­ǵyn­da ǵana emes, óne boıy jalǵyzi­lik­ti zeınetkerler men qart múge­dekter júrek jylýyn, jan shuǵy­lasyn sezinip, qurmetke bólený­de. Bir aıta keterligi, qart­tar aı­lyǵy qarsańynda aqpa­rat qural­darynda, áleýmettik jeli­lerde múgedekter men jalǵyzbasty qarııa­larǵa qaıyrymdylyq kór­setý týraly tyń bastamalar kóterildi. Bul bastamaǵa ártúrli deńgeıdegi bılik ókilderi, bıznes qaýymdastyqtary, tutas eńbek ujymdary, qoǵamdyq uıymdar ún qosyp, qoldap áketti. Osy bir mysaldan-aq qoǵamnyń izgiligin, izet­tiligin, adamdardyń bo­ıyn­daǵy kemel kisilik pen aı­qyn adam­ger­shilikti ańǵarýǵa bolady. Kómek jasaýǵa peıildi adam­dar­dyń arqasynda 111 myńnan astam aǵa býyn ókilderine qolǵabys jasaldy. Osy bir berik dástúr qaı ýaqytta bolsa da júrek jylytyp, jan jadyratary sózsiz.

Oblystyq ardagerler uıymy­nyń quramynda 849 bastaýysh ardagerler uıymy, 2 qalalyq jáne 17 aýdandyq ardagerler keńesi, 18 Uly Otan soǵysyna qatysý­shy men múgedek, 1 myńǵa jýyq soǵys­qa qatysýshylarǵa teńes­tiril­gender, 3 175 tyl ardageri, 700-den astam aýǵan soǵysyna qatys­­ýshy, 55 Chernobyl atom elektr stansasyndaǵy apatty joıý­ǵa qatysýshy bar.

– Bizdiń qyzmetimizdiń basty urany – «Birde-bir ardager nazardan tys qalmaıdy» baǵytyn ustana otyryp, aılyq kezeńine belgilengen sharalardy ótkizý barysynda qart adamdardy qamtý. О́tken merzim ishinde oblystyń ardagerler uıymdary aýdandyq, qalalyq, aýyldyq ákimdiktermen birlese otyryp, 1 522 qoǵamdyq shara ótkizdi, onyń ishinde 209 dóńgelek ústel, konferensııa men kezdesý uıymdastyryldy, 183 qaıyrymdylyq senbilik, 79 áleýmettik aýyl sharýashylyǵy jármeńkesi, medısına mekeme­lerinde 239 ashyq esik kúni, 824 konsert, 170-ten astam sporttyq shara uıymdastyryldy, 13 332 zeı­­­­n­et­­­kerdiń tegin jáne jeńil­­detil­­gen baǵamen dári-dár­mek­pen, 1 300 zeınetkerdiń gazet-jýr­nal­dar­­ǵa jazylýyn qamtamasyz etti. 1 317 adam shıpajaı-saýyq­ty­rý meke­melerinde densaý­lyq­t­aryn túze­di, – deıdi oblys­tyq ar­­da­­ger­ler keńesiniń tóraǵa­sy Ǵos­man Tóle­ǵul, – sol sııaq­ty 63 tur­ǵyn úıge jón­deý jumys­tary júr­gizildi, 67 adam­ǵa kommý­nal­dyq qyz­met kómegi kór­seti­lip, 13 460 adamǵa tegin nemese je­ńil­­detilgen baǵamen dári-dár­mek­­ter áperildi, 31 430 qart adam men múgedek azyq-túlikpen qam­ta­masyz etildi, 542 qarııa men múge­dekke BAQ-qa tegin jazylý júze­ge asyryldy, 231 ardagerge shı­pa­jaılar men saýyqtyrý orta­lyq­taryna tegin joldama, 52 891 adamǵa qarjylaı kómek jáne basqa da járdem túrleri kórsetildi.

Álemdi jaman tumaý jaılamaı turǵan ýaqytta ádette arda­gerlerdi ákimdikterge, kásip­oryndarǵa, mádenıet úı­leri­ne arnaıy shaqyryp, syı-sııa­pat tabys etilip, dastarqan ja­ıy­lyp, dám tatatyn. Byltyrdan bastap mundaı múmkindik joq. Áıtse de osyndaı sharalardyń bar­ly­ǵy jeke kezdesýler arqyly jú­zege asyrylýda. Múgedekterge, kún­­kórisi tómen ardagerlerge qar­­jylaı kómek kórsetilýde. Bul oraıda, jastar jasaqtaǵan erik­ti qoǵamdardyń eren isin súıis­pen­shilikpen aıta ketýge bol­ady. Olar qarǵa adym jer muń bolyp qalǵan qarııalardyń úılerin­e baryp dári-dármekterin, azyq-túlik­terin jetkizip berýge qolǵabys jasaýda. Aıtalyq, eki myńǵa jýyq otbasyna oblys orta­lyǵyndaǵy ujymdardyń esebinen azyq-túlik sebetteri tara­tylyp, aqshalaı kómek kór­setildi. Asylynda, mundaı ju­mys bir aıdyń sheńberinde ǵana emes, jyl boıy júrgiziledi. Stepnogorsk qalasynda, Aqkól, Selınograd, Esil, Sandyqtaý, Birjan sal, Býrabaı aýdandarynda kásiporyndar esebinen uıymdastyrylǵan áleýmettik úıler júıeli jumys isteýde.

Aıtary mol aǵa býyn qoǵam­dyq-saıası oqıǵalardan da tys qalyp kórgen emes. О́zderiniń ómir­lik baı tájirıbelerine, bilim­derine súıene otyryp, memleketimizdiń damýyna eleýli úles qosýda. Aıtalyq, Uly Jeńis­­tiń 76 jyldyǵyna oraı maıdan­ger­lerge kómek kórsetilip, kez­desý­ler ótkizildi. Jylyjúzdi mun­daı júzdesýlerde jastarǵa patrıot­tyq tárbıe berý máse­lesine aıryqsha nazar aýdarylýda. Bir áttegen-aıy, oblys «qy­zyl aımaqtyń» sanatynan shyǵa almaı turǵandyqtan mundaı shara­lar­dyń basym kópshiligi onlaın rejiminde ótkizilýde.

Ekinshi dúnıejúzilik soǵys­ta qaza taýyp, taǵdyry belgi­siz bolyp qal­ǵan jaýyngerler­diń zırattaryn izdeý, anyqtaý, tabylǵan kún­de súıekterin elge jetkizý ju­mys­tary jalǵasyn tabýda. Lenın­gradty qorǵaýǵa qatysqan jerlesimiz Kenjebek Boltaevtyń deregi 2018 jyldyń 3 mamyrynda tabylyp, topyraq týǵan jerden buıyrdy. Mundaı mysaldardy kóptep keltirýge bolady.

Aǵa býyndy syılaý, qaltqy­syz qurmet kórsetý Alash balasy­nyń boıyndaǵy shýaqty sezimder. Búgingi urpaqtyń basty paryzy, zamanynda týǵan eli men jeri úshin tabany tastan taımaǵan tarlanbozdaı adal qyzmet etken atalar men ájelerge qurmet kór­setý. Sol qurmettiń bar eken­digi, jyldan-jylǵa damyp, mazmun­dyq turǵydan baıyp kele jatqan­dyǵy qýantady.