О́kinishke qaraı, shetel azamaty bola tura, zańdy belden basyp ebin taýyp eki asap, eki memlekettiń áleýmettik salaǵa baǵyttalǵan kómegin qatar alyp kúneltip júrgender bar. Buǵan bir dálel, Qostanaı oblysynda 6 jyl boıy Qazaqstan Respýblıkasynan zeınetaqy alyp kelgen Reseı Federasııasynyń azamatshasy ustaldy.
Zańǵa sáıkes, el aýmaǵynda turyp jatqan kez kelgen adam shetel azamattyǵyn qabyldaǵan sátten bastap, Qazaqstan Respýblıkasynyń azamaty degen mártebesinen birjola aıyrylady. Alaıda Qarasýdaǵy kóshi-qon qyzmeti men osy aýdannyń áleýmettik qamtamasyz etý bólimi birlesip ótkizgen jedel shara barysynda ustalǵan 64 jastaǵy áıeldiń Reseı azamattyǵyn osydan 16 jyl buryn resimdep alǵanymen, kúni búginge deıin Qarasý aýylynda turyp kelgeni anyqtalyp otyr. Reseıdiń zeınetaqysyna qanaǵattanbaǵan ol 2015 jyly Qazaqstan Respýblıkasynda taǵy bir zeınetaqy resimdep alǵan. Qazir quzyrly oryndar ákki áıeldiń qaltasyna zańsyz jolmen túsken qarjyny qaıtaryp alý máselesin qarastyryp jatyr.
Reseı azamatshasy Ákimshilik quqyq buzýshylyq týraly kodeksiniń 496-baby boıynsha ákimshilik jaýapkershilikke tartylyp, 100 AEK, ıaǵnı 291 myń 700 teńge kóleminde aıyppul tóleıtin boldy. Sonymen qatar búginge deıin zańsyz ıemdenip kelgen Qazaqstan Respýblıkasynyń azamattyǵynan aıyryldy.