Ekologııa, geologııa jáne tabıǵı resýrstar mınıstri Serikqalı Brekeshev Qazaqstannyń lastaný deńgeıi joǵary 10 qalasyn atady, dep habarlaıdy Egemen.kz.
«Atmosferalyq aýa monıtorıngine sáıkes 45 ónerkásiptik qalanyń 10-y atmosferalyq aýanyń joǵary lastaný deńgeıine jatady. Bul Nur-Sultan, Almaty, Qaraǵandy, Temirtaý, Atyraý, Aqtóbe, Balqash, О́skemen, Jezqazǵan jáne Shymkent qalalary», dedi mınıstr Úkimet otyrysynda.
Onyń aıtýynsha, joǵary lastanýdyń sebepteri jabdyqtardyń tozýy, zaýyttardaǵy shań tazartý qondyrǵylary jumysynyń tıimsizdigi, jańǵyrtý men qaıta qurý jumystarynyń júrgizilmeýi, kómir paıdalaný bolyp tabylady.
«Qaldyqtarmen jumys isteý salasynda QTQ polıgondarynyń sanıtarlyq jáne ekologııalyq talaptarǵa sáıkes kelmeýi, QTQ óńdeýdiń tómen deńgeıi jáne apatty qoqys tastaıtyn jerler ótkir problema bolyp otyr», dep tolyqtyrdy Brekeshev.