Serbııa astanasy Belgrad qalasynda ótip jatqan álem chempıonaty qyza tústi. Búgin bes boksshymyz fınalǵa shyǵýǵa tyrysyp kórmek, dep habarlaıdy, Egemen.kz.
Kúndizgi sessııada (18:00-de bastalady) 48 kılo salmaq dárejesindegi oǵlanymyz Temirtas Júsipov Belorýssııa boksshysy Evgenıı Karmılchıkpen qolǵap túıistirse, 54 kılo salmaqtaǵy Mahmud Sabyrhan úndi jigiti Akash Kýmarǵa qarsy rıngke kóteriledi. Úshinshi bolyp sharshy alańǵa shyǵatyn 67 kılo salmaqtaǵy sańlaǵymyz, ulttyq quramanyń kapıtany Abylaıhan Júsipov japonııalyq Sevonres Okadzavanyń shamasyn baıqap kóredi.
Keshki sessııada (23:00-de bastalmaq) Olımpıada oıyndarynyń qola júldegeri, 51 kılo salmaqtaǵy saıypqyranymyz Sáken Bıbosynov taılandtyq Tanarat Saengfetpen judyryqtassa, 57 kılo salmaqtaǵy Serik Temirjanov kýbalyq Osvel Kabalero Garsııamen qolǵap túıistiredi.