Máskeýde Qazaqstan men Reseıdiń kólik salasyndaǵy yntymaqtastyǵy týraly kelissózder júrgizildi, dep habarlaıdy Egemen.kz IIDM baspasóz qyzmetine silteme jasap.
Reseı Federasııasynyń Kólik mınıstrliginde Indýstrııa jáne ınfraqurylymdyq damý vıse-mınıstri Berik Kamalıev RF Kólik mınıstriniń orynbasary Igor Chalıkpen kezdesti.Kezdesý barysynda azamattyq avıasııa, avtomobıl kóligi salasyndaǵy ekijaqty yntymaqtastyq máseleleri, ótkizý tirekteriniń aǵymdaǵy jumysy talqylandy. Sondaı-aq Qazaqstan Respýblıkasynyń Indýstrııa jáne ınfraqurylymdyq damý mınıstrligi men Reseı Federasııasy Kólik mınıstrligi arasynda eki eldiń teńiz porttary arqyly mýltımodaldyq tranzıttik baǵyttardy damytý jóninde birlesken is-qımyl baǵdarlamasynyń jobasy talqylandy.Budan basqa, elder arasyndaǵy áýe reısteri sanyn arttyrý múmkindikteri qaraldy.Sondaı-aq, Reseıdiń Simetra kompanııasynyń ókilderimen kezdesý uıymdastyrylyp, qazaqstandyq delegasııa Reseıdiń iri qalalarynyń ulttyq modelimen jáne kólik modelderimen tanysty.