Serbııa astanasy Belgrad qalasynda ótip jatqan álem chempıonatynda búgin birneshe salmaq dárejesi boıynsha úzdikter anyqtalady, dep habarlaıdy Egemen.kz.
Búgin eki qazaq oǵlany altyn júldege talasýǵa tıis bolsa, birinshi bolyp rıngke 48 kılo salmaqtaǵy sańlaǵymyz Temirtas Júsipov kóterildi. Taıland boksshysy Výttıchaı Iýrachaımen judyryqtasqan qazaq balasy utymdy taktıka qoldanyp, araqashyqtyqty durys saqtaı bildi. Djeb soqqylary arqyly qarsylasynyń qorǵanysyn buzyp, keıin joıqyn soqqylaryn darytýǵa kóshken ol taılandtyqty shyr aınaldyryp júrip jeńisti julyp aldy. Osylaısha Temirtas 33 jasynda álem chempıony ataǵyna qol jetkizdi.