Elorda turǵyny mas kúıinde qonaqtan úıine oralǵan kezde baǵaly saǵatyn joǵaltyp alǵan. Ol - quny 550 myń teńge turatyn «Iаshma» markaly altyn saǵat, dep jazady Egemen.kz.
«Túnde er adam Toyota Camry kóligin toqtatyp, taksı júrgizýshisimen jolǵa shyqqan. Jolaýshy artqy orynǵa otyryp, jolda uıyqtap qalǵan. Belgilengen jerge jetken soń júrgizýshi adamdy oıatady. Jirgizýshi oıanbaı jatqan jolaýshynyń bilegindegi altyn saǵatty kórip, ony qolynan alyp, qaltasyna salyp alǵan», dedi PD baspasóz qyzmeti.
Er adamdy oıatyp, júrgizýshi ony kólikten túsirip, ketip qalady. Úıge kelip, saǵattyń joǵalǵanyn baıqaǵan jábirlenýshi polısııaǵa júgindi.
Jedel-izdestirý is-sharalaryn júrgizý kezinde polısııa qyzmetkerleri jeke tasymaldaýmen aınalysatyn 40 jastaǵy er adamdy ustady. Kúdikti óz kinásin moıyndap, zattaı aıǵaq tárkilenip, elorda aýmaǵynda buryn jasalǵan uqsas qylmystarǵa qatystylyǵy tekserilip jatyr.