5 qarashada Qazaqstan Respýblıkasynyń Kıpr Respýblıkasyndaǵy Elshisi Satybaldy Burshaqov Kıpr Respýblıkasynyń Prezıdenti Nıkos Anastasıadıske senim gramotalaryn tapsyrdy, dep habarlaıdy Egemen.kz.
QR Syrtqy ister mınıstrliginen málim etkendeı, Prezıdent saraıynda ótken saltanatty rásim barysynda Elshi N.Anastasıadıske Prezıdent Qasym-Jomart Toqaevtyń izgi tilegin jetkizdi jáne Qazaqstan Táýelsizdiginiń 30 jyldyǵyn ataı otyryp, elimizde júrgizilip jatqan áleýmettik-ekonomıkalyq jáne saıası reformalar týraly habardar etti.
«COVID-19 pandemııasymen kúreste eki eldiń yntymaqtastyǵy men ózara tabysty is-qımylyn atap óte otyryp, S.Burshaqov Prezıdentke Kıpr úkimeti men kompanııalarynyń Qazaqstanǵa kórsetken gýmanıtarlyq jáne medısınalyq kómek úshin alǵys bildirdi. Prezıdent Anastasıadıs elderimiz arasyndaǵy ekijaqty qarym-qatynastardyń deńgeıin joǵary baǵalaı otyryp, Qazaqstannyń Eýropalyq odaqpen yntymaqtastyǵyn damytýǵa qolǵabys kórsetýge daıyndyǵyn bildirdi jáne Qazaqstan Prezıdentin Kıprǵa saparmen kelýge shaqyrdy», delingen vedomstvo málimetinde.