Atyraýda N.Tilendıev atyndaǵy kishi óner akademııasy oqýshylardy ónerdiń san salasyna baýlıdy. Munda oqýshylar sýret salýǵa mashyqtanady. Án aıtýdyń qyr-syryn meńgeredi.
Akademııada 25 jyl buryn «Aıjan qyz» bı ansambli qurylǵan. Horeograf Aıjan Artyǵalıeva jetekshilik etetin ansambl músheleri myń burala bı bıleıdi. Jas bıshilerge horeograf Sáýle Jaskelenova bı túrlerin úıretedi.
– Ansambldiń jas bıshileri 31 qazan men 6 qarasha aralyǵynda Túrkııanyń Antalııa qalasynda ótken halyqaralyq Dance Format konkýrsyna qatysty. Jas bıshilerimiz atalǵan konkýrstyń eki atalymynda bas júldeni jeńip aldy, – deıdi akademııa dırektory Dolores Tasqarına.
Onyń aıtýynsha, ansambl músheleri konkýrs kezinde Túrkııa men Reseıdiń tanymal bıshileri ótkizgen sheberlik sabaqtarynan dáris alǵan. Sondaı-aq Antalııadaǵy bı mektepterinde taqyryptyq tájirıbe almasýǵa, bı battlyna qatysqan.
Atyraý oblysy