Almatyda eki qabatty úı órtendi, dep habarlaıdy Egemen.kz.
Bul týraly qalalyq tótenshe jaǵdaılar departamentiniń baspasóz qyzmeti málim etti.
TJD málimetinshe, órt 8 qarashada saǵat 10:24-te shyqqan. TJD kúshteri men quraldary Bostandyq aýdany, Mıras yqshamaýdany, 29/1 mekenjaıyna jedel shaqyrý boıynsha barǵan.
«Kelgen kezde 280 sharshy metr aýmaqta salynyp jatqan eki qabatty úıdiń shatyry órtengeni anyqtaldy. О́rttiń tez taralýyna ońaı janǵysh konstrýksııalar sebep bolǵan», dedi TJD ókilderi.
Jedel shtab qurylyp, eki top jumys istegen. О́rt 11.31-de oqshaýlandy. Úıdiń birinshi jáne ekinshi qabattary órtten qorǵalǵan. Saǵat 11-58-de órt tolyq sóndirildi, qaza bolǵandar men zardap shekkender joq.