Qarapaıym mamandyqtarǵa suranys kóp

Elektrondyq eńbek bırjasynda ádet­tegideı ot jaǵýshylarǵa suranys kóp bolsa, kerisinshe jumys izdegen zańgerler, qarjygerler men mal ósirýshiler kóp.

«О́tken aılarmen salystyrǵanda qazan aıynda muǵalimder men suh­bat alýshylarǵa suranys tómendedi. So­ny­men qatar eńbek bırjasynda qu­rylys salasynyń qyzmetkerleri: armatýrashylar men betonshylardy izdeýshiler kóbeıdi. Bul mamandarǵa degen suranys qazan aıynda 2,2 myń bos oryndy qurady, ıaǵnı ótken aıǵa qaraǵanda 1,8 myńǵa artyq boldy. Mun­daı mamandardyń tapshylyǵy son­daı, Atyraýdaǵy jumys berýshiler olar­dyń jalaqysyn 500 myń teńgege deıin kóterýge májbúr boldy», deı­di Eńbek resýrstaryn damytý orta­lyǵynyń atqarýshy dırektory Alek­sandra Molchanovskaıa.

Elimizdiń óńirlerine jeke toqtal­saq, qazan aıynda elektrondyq eń­bek bırjasynda jańa eńbekkerlerdi izdeý jaǵynan Túrkistan oblysy­nyń jumys berýshileri belsendilik ta­nytqan. Mundaǵy suranys barlyq bos orynnyń 14%-yn quraǵan. Son­daı-aq jańa kadrlarǵa degen jo­ǵary qajettilik Shymkent (11%), Alma­ty (10%) jáne Nur-Sultan (9%) qala­larynda baıqalǵan. О́tken aıda Shym­kent qalasynda qazirgiden 3,6 ese az bos jumys orny ornalastyryǵan. Al Almaty oblysynda kerisinshe, ju­mys týraly usynystar sany eki esege (51%-ǵa) qysqarǵan.

«Elektrondyq eńbek bırjasyn­daǵy árbir besinshi bos jumys ornyn jeke kásipkerler jarııalady, onyń ishinde bos oryndardyń 62%-y 3 aımaqqa – Qostanaı jáne Túrkistan oblys­taryna, sondaı-aq Shymkent qa­la­syna tıesili», dep tolyqtyrdy sózin A.Molchanovskaıa.

Jalaqyǵa keletin bolsaq, onyń kólemi óńirlerge jáne mamandyqqa baılanysty ártúrli. Mysaly, eń kóp eńbek­aqy – Atyraý oblysynda. Atal­ǵan oblysta qazan aıynda 1,2 mln teń­geden 1,5 mln teńgege de­ıin ja­la­qysy bar 11 bos laýazym ashyl­ǵan. Jumys berýshiler joba basshylary men menedjerlerge, bazalyq teh­nı­kalyq qyzmet kórsetý jónindegi úıles­tirýshilerge, bas ınjenerlerge (óńdeý ónerkásibinde), mehanık-ınjenerlerge, konstrýktor-ınjenerlerge, ınjenerler-baǵdarlamashylarǵa, jabdyqtardy jınaqtaý jáne telekommýnıkasııa salasyndaǵy tehnıkalyq qoldaý jónindegi ınjenerlerge osyndaı eńbekaqy usynyp otyr.

Jalpy, Atyraý – óńirler arasynda jalaqy jaǵynan kóshbasshy oblys. Munda jalaqynyń ortasha deńgeıi bıylǵy úsh toqsandaǵy jaǵdaı boıynsha 419,1 myń teńgeni quraǵan.

Atyraý oblysymen qatar, eńbek bırjasynda joǵary eńbekaqy tóleı­tin bos jumys oryndaryn Shyǵys Qazaqstan, Batys Qazaqstan, Aqtóbe, Mańǵystaý oblystarynda jáne Nur-Sultan men Almaty syndy iri qala­larda tabýǵa bolady, bul óńirlerde eńbekaqy – 600 myńnan 800 myń teńge aralyǵynda.

Qazan aıynda arnaıy biliktili­gi joq jumysshylar úshin usynyla­tyn eńbekaqy (29,3 myń bos jumys orny) el boıynsha 58,1 myń teńgeni qurady. Al bilim berý salasynyń qyz­metkerlerine (8,8 myń bos jumys orny) usynylǵan ortasha jalaqy kólemi 86,4 myń teńgege teń.

Buǵan qosa, qazaqstandyq jumys berýshiler qurylysshylarǵa aıyna 94,8 myń teńge tóleýge daıyn, olarǵa 6,4 myń bos jumys orny usynyldy.

Densaýlyq saqtaý salasynyń kadr­laryna degen qajettiliktiń artýyna baılanysty dárigerler men orta medısınalyq qyzmetkerlerdiń jalaqysy joǵary bolyp tur. Elek­trondyq eńbek bırjasyna shyqqan 3,1 myń bos jumys ornyna orta eseppen 114,9 myń teńge usynyldy.

Jumys berýshiler kórsetken ortasha eńbekaqy densaýlyq saqtaý mamandarynan basqa, joǵary laýazymdy tulǵalarǵa, zań shyǵarýshylar men memlekettik qyzmetshilerge (172,3 myń teńge) belgilendi. Sonymen qa­tar jumys berýshiler óndiris jáne ser­vıstik qyzmet salasyndaǵy korpo­ra­tıvtik bólimshelerdiń basshylaryna (basqarýshylary) – 166,1 myń teńge (1,8 myń bos oryn) jáne ǵylym (statıstıka) men tehnıka salasy mamandaryna, naqtyraq aıtqanda, ónerkásiptik qaýipsizdik, eńbekti qorǵaý jáne qaýip­sizdik tehnıkasy ınjenerlerine, ın­je­ner-smetashylarǵa 145,7 myń teńge (2,3 myń bos oryn) jalaqy usyndy.