Balalar men jasóspirimderge de vaksına salynady

Aty jaman indetten qor­ǵanýdyń birden-bir joly ekpe alý desedi aq halattylar. Bir jaǵynan barlyq mekemege Ashyq jobasy ornatylǵandyqtan, «ja­syly» janbaǵandardy, ıaǵnı ekpe alma­ǵandardy kirgiz­beıdi. Biraq sanı­tarlyq-epı­demııalyq baqylaý komı­teti «Atameken» UKP men óńir­lik densaýlyq saqtaý basqar­malaryna medısınalyq ruqsa­ty bar azamattardy demalys kún­deri mekemelerge kirgizý týraly resmı aqparat jiberdi.

Bas sanıtarlyq dáriger­diń qaýlysy­na sáıkes paıdalaný­shyǵa Ashyq mobıldi qosym­shasynda turaqty medısına­­lyq anyqtamasy bolsa, «jasyl» mártebe beriledi eken. Aıta keterligi, «jasyl» márte­beni kór­setý úshin mundaı anyq­tama­lardy avtomattandyrý máselesi qaı­ta qaralyp jatyr.

– Densaýlyq saqtaý mı­nıs­tr­liginiń málimdeýinshe, soń­ǵy ýaqytta «kók» már­­tebeli aza­mattardyń medısınalyq ruq­­saty bola tura demalys kúnderi ká­sipkerlik obektilerine kirýge ruqsat joq edi. Osyǵan baılanysty ve­domstvo ákimshilikke turaqty medısınalyq anyqtamany kórsetken kezde azamattardy saý­da mekemelerine ýaqytsha jibe­rýge ruqsat berý týraly she­shim qabyldady, – dedi oblystyq Kásip­ker­ler palatasynyń dırek­tory Qaırat Mamyrbaev.

Al densaýlyǵy saı bolsa, eresek­termen qatar balalarǵa, júkti áıel­der­ge de koronavırýsqa qarsy vaksına salyn­baqshy. Bul týraly Shyǵys Qazaq­stan oblysynda ótken baspasóz konferensııasynda aıtyldy.

Qazirgi ýaqytta Shyǵys «sa­ry aımaq­ta» bolǵanymen, epı­de­mııalyq jaǵ­daı ýshyǵyp tur. Syrqattardyń kóbi – Se­meı jáne О́skemen qalalarynda. Qa­ýipti dert balalardy da aınalyp ótip jatqan joq. Sa­nıtarlyq-epıdemııa­lyq talaptar­dyń qatań saqta­lýyna qara­mas­tan, bilim basqarmasynyń máli­­metin­she, oqý jylynyń basynan beri óńirde dástúrli formatta oqý kezinde oqýshylar ara­synda aýrýdyń 660 jaǵdaıy tirkeldi. Qazir 586 oqýshy saýy­ǵyp, ádettegi oqý rejimine oral­dy. Alaıda oblystyń 55 mek­tebinde 108 synyp áli kúnge deıin qashyqtan oqytylýda.

Oblystyń dárigerleri men epıde­mıologteri barlyq shekteýden shyǵý­dyń jalǵyz joly ınfeksııaǵa qarsy vaksına alý jáne ujymdyq ımmýnıtetti qalyptastyrý dep esepteıdi.

2021 jylǵy 20 qazanda Qa­zaq­stannyń Bas memlekettik sanı­tarlyq dárigeri qaýly shy­ǵarǵany belgili. Soǵan sáı­kes Pfizer Comirnaty prepa­ratymen vaksınalaý júr­gizý jónindegi ádistemelik usy­nym­dar bekitildi. Bul vaksı­namen 12 jas­tan asqan jasós­pirimderdi, sondaı-aq laktasııa kezinde já­ne júkti áıelderdi egý josparlanýda.

Prosedýranyń qalaı ótetini týraly baspasóz konferensııasynda Shy­­ǵys Qazaqstannyń bas pedıatry Gúl Qusa­ıynova aıtyp berdi. Onyń aıtýyn­sha, balalar men júkti áıelderdi vak­sınalaý osy qarashadan bastalady. Áıelder óz densaýlyǵyn qorǵap, júktiliktiń 16-dan 37-shi aptasyna deıin erikti vaksınalaý prosedýrasynan óte alady. О́z kezeginde jasóspirimderdi ımmýndaý ke­zeń-kezeńmen júr­giziledi. Birinshi kezeńde 16-18 jas aralyǵyndaǵy jas­óspi­rim­der koronavırýs vaksınasyna qarsy vaksına ala alady. Kelesi kezeńderde vaksınalaýǵa 12 jastan 15 jasqa deıingi balalar jiberiledi.

Oblystyń bas pedıatry atap ót­ken­deı, balalardy vaksınalaý ata-ana­lardy nemese zań­dy ókilderdiń aqparattandyryl­ǵan kelisimi bolǵan jaǵdaıda ǵana júrgiziledi. Qazirgi ýaqytta ob­­lystyń medısınalyq uıym­­da­­rynda ımmýndaýǵa jatatyn jas­ós­pi­rim­derdiń tizimin jasaý boıynsha jumys bastaldy.

– Medısına qyzmetkerleri qazir mektepterde jasóspi­rim­derdiń ata-analary arasyn­da pandemııa jaǵdaıynda koro­navırýsqa qarsy egý­diń mańyz­dy­lyǵy týraly aqpa­rat­tyq-túsindirý jumystaryn júr­gizýde. Vaksınalaý balalardyń aýrýǵa qarsy turýlaryna ımmýnıtet qalyptastyrady, – deıdi Gúl Qusaıynova.

Sonymen qatar ol vaksına­laý prosedýrasynan ótpes buryn aǵzada koronavırýs ın­feksııasy men vırýsqa antıde­nelerdiń bolýyna tekserý júr­gizýdiń qajeti joq ekenin atap ótti. Covid-19 indetimen aýyrǵan jasóspirimder saýyq­qannan ke­ıin alty aıdan keıin pro­se­dýraǵa jiberiledi.

– Egý aldynda balalardy dárigerler tolyqtaı tekseredi. Eger ımmýndaý­ǵa qarsy kór­setilimder bolmasa, balaǵa ruq­sat beriledi. Vaksına alý­ǵa qarsy kórsetilimderdiń qa­ta­ryna belsendi zatqa neme­se vaksınanyń basqa kompo­nent­terine allergııanyń bolýy. Son­daı-aq polıetılenglıkolge aýyr aller­gııalyq reaksııasy jatady, – dep atap ótti ob­lystyń bas pedıatry.

Eskerte keterligi, Pfizer Co­mir­naty preparatymen vaksı­nalaý eki ke­zeńde júrgiziledi. Vaksınanyń ekinshi komponenti alǵashqy egýdi alǵannan keıin 21 nemese 28 kúnnen soń alynady. Ekpeni bilikti mobıldi brıgadalar júrgizedi.

Shyǵys Qazaqstan oblysy