Nur-Sultan qalasynyń ekonomıka jáne bıýdjettik josparlaý basqarmasynyń basshysy Qaısar Manqaraev elordadaǵy jumyssyzdyq deńgeıi jóninde aıtty, dep habarlaıdy Egemen.kz.
Basqarma basshysy habarlaǵandaı, birinshi jartyjyldyqtyń qorytyndysy boıynsha shaǵyn jáne orta bıznes salasynda ónim shyǵarý kólemi 3 trln 981 mlrd teńgeni qurady, bul ótken jyldyń sáıkes kezeńimen salystyrǵanda 38,7%-ǵa artyq.
«2021 jyldyń ekinshi toqsanynda jumyssyzdyq deńgeıi 4,6%-dy qurady. Kásipkerlikti damytýdyń ulttyq jobasyn iske asyrý jyl saıyn ekonomıkanyń servıstik salalarynda basym túrde 23 myń turaqty jumys ornyn qurýǵa múmkindik beredi», dedi Qaısar Manqaraev elordalyq máslıhattaǵy turaqty komıssııa otyrysynda.
9 aıdyń ishinde Nur-Sultandaǵy ónerkásiptik óndiris 12,6%-dyq ósimmen 982,5 mlrd teńgeni qurady. Jyl basynan beri 2 mln sharshy metrden astam turǵyn úı paıdalanýǵa berildi, bul 2020 jyldyń kórsetkishinen 11%-ǵa joǵary.