Mıgranttardyń eki úlken toby Belarýs pen Polsha shekarasynan ótip ketken. Áıtkenmen olardyń birazy keri qaıtaryldy, dep habarlaıdy Egemen.kz.
Iá, bir emes eki birdeı iri mıgranttar toby Polshaǵa Belarýs aýmaǵynan kirdi. Kem degende birneshe ondaǵan adamnan turatyn toptar Krynok pen Belovejı aımaǵyndaǵy qorshaýdy buzyp ótken. Shekaradan el aýmaǵyna zańsyz ótkenderdiń birneshe ondaǵany keri qaıtaryldy. Kúshtik qurylym qyzmetkerleri qalǵandaryn izdeýdi jalǵastyrýda.
Shekaradan basyp kirý áreketteri 8 qarasha kúni de bolǵan. Áıtkenmen, «Kýznısa» ótkizý pýnktiniń mańynda qazirgi ýaqytta jaǵdaı tynyshtalǵan.
Eýropalyq Odaq buǵan deıin Belarýssııaǵa qarsy 30-ǵa jýyq jeke jáne zańdy tulǵalarǵa baǵyttalǵan jańa sanksııalar engizýge daıyn ekenin málimdedi. Bul tizimge Syrtqy ister mınıstri Vladımır Makeı men Belarýssııanyń «Belavıa» Avıakompanııasy kirýi múmkin.
EO men NATO Prezıdent Aleksandr Lýkashenkony mıgranttardy batysqa qysym jasaý quraly retinde paıdalandy dep aıyptaıdy. Taǵy bir sanksııalar paketi EO-nyń pikirinshe Mınskige qatysty shekteýler úshin kek alý maqsatynda mıgranttardyń kelýin uıymdastyrǵan Belarýs sheneýnikterine qarsy baǵyttalǵan.
Germanııa Syrtqy ister mınıstriniń mindetin atqarýshy Haıko Maas óz kezeginde EO Polsha shekarasyna mıgranttardyń kelýine baılanysty Belarýs bıligine qarsy sanksııalardy qataıtýǵa daıyn ekenin aıtty.
«Biz mıgranttardy maqsatty ákelýge qatysatyndardyń barlyǵyna sanksııalar salamyz. Lýkashenko jospary jumys istemeıtinin túsinýi kerek. Aıtpaqshy, bul bolashaqta ekonomıkanyń basqa salalaryndaǵy sanksııalardyń arta túsetinin joqqa shyǵarmaıdy», deıdi ol.