Bul týraly Májilistiń jalpy otyrysynda Bas Prokýrordyń orynbasary Áset Shyndalıev aıtty, dep jazady Egemen.kz.
«Osy jyldyń basynan bastap tergeý organdaryn kúdikti dep taný, áreketterdi saralaý, tergeý merzimderin úzý, isti toqtatý týraly sheshimderdi tek prokýror zańdastyrady. Prokýror kelisim bermese olar zańsyz bolyp esepteledi. Elektrondy is júrgizýdi engizý prosesti jedel ári jeńil etýge múmkindik berdi. Tergeýshi isti prokýrorǵa joldaıdy. Ol óz qaýlysyn júıede ázirlegen kezde prokýrorǵa birden elektrondy habarlama túsedi», dedi Áset Shyndalıev.
Sonymen qatar prokýrordyń sheshim qabyldaý merzimi de qysqardy. Buryn ister bir aı qaralsa, qazir 24 saǵattan 3 kúnge deıin qaralady.
«Sheshimder zańdy bolǵanda prokýror olarǵa sıfrlyq qol qoıyp, kelisedi. Al zańsyz bolsa, bas tartady. О́tken 10 aıdyń ishinde prokýrorlar tergeýdiń 329 myń qaýlysyn tekserip, 287 myń sheshimge kelisim berdi, qalǵan sheshimder qoldaý tappaı, túzetýge jiberildi», dep túsindirdi ol Májiliste.