ARMANDA KETKEN BOZDAQTAR

Keshe Syrtqy ister mınıstr­liginde Jeńistiń 65 jyldyǵy qarsańynda Uly Otan soǵysy ýaqytynda Germanııa men Avstrııa aýmaǵynda qaza tapqan qazaq­stan­dyqtarǵa arnalǵan “Armanda ket­ken bozdaqtar” atty estelik ki­tap­tyń tanystyrylymy bolyp ótti. Qazaqstan Respýblıkasynyń Germanııa Federatıvtik Respýblı­ka­syndaǵy elshiligi Saksondyq memorıal birlestiginiń janyndaǵy qujattaý ortalyǵymen birlese júr­gizilgen izdeý jumystarynyń nátı­jesinde jaryq kórgen bul kitapta Germanııa aýmaǵynda konsentra­sııa­lyq lagerlerde qaza tapqan 6228 adamnyń aty-jónderi berilgen. Fashıster bılik basyna kelgen­nen keıin ile-shala lagerler qu­rylysyn bastap, alǵashynda “Da­haý”, “Estervegen”, “Lıhtenberg”, “Zaksen­býrg”, “Bad-Zýls”, “Ko­lým­bıa-Haýz”, “Fııýl­s­bıýttel” syndy 6 lagerge óz azamattaryn qa­maǵan fashıster soǵys aıaǵynda “О́lim lager­lerinde” adamdardy azaptap, olarǵa haıýanǵa da jasa­maıtyn neshe túrli aıaýsyz táji­rı­beler júr­gizip, atyp, peshterde órtep, gaz kameralarynda tunshyq­tyrýmen júıeli túrde aınalysty. GFR Ishki ister mınıstrliginiń 1967 jyly bergen derekteri boıynsha fashıstik Germanııanyń jaýlap alǵan jerleri men óz jerindegi lagerlerdi qosqanda 1634 azap lagerleri bolypty. Týǵan jerdiń topyraǵy buıyrmaǵanynyń ústine fashıst tozaǵynda qaza taýyp, qor­lyq kórgen atalarymyzdyń esim­deri, týǵan jyldary, qaı lagerde fánımen qoshtasqandyǵy kórsetil­gen kitapty qarap otyryp, sheıit bolǵan, armanda ketken bozdaqtar- aı deısiń. Tanystyrylymda jurtshylyq nazaryna taǵy bir kitap usynyldy. Ol – Qazaqstan Respýb­lıkasynyń Avstrııa Respýblıkasyndaǵy elshiligi men Bolsman atyndaǵy soǵys zardaptaryn tekserý  ıns­tı­týty jáne Avstrııanyń qara kre­si­men birlese otyryp, 980 qazaq­stan­dyqtardyń jerlengen jeri týraly aqparat beretin Estelik kitaby. Onyń tusaýkeseri Avstrııada sáýir­diń 27-si kúni bolyp ótken eken. Saltanatty tanystyrylym rásiminde  Syrtqy ister mınıstri­niń orynbasary Nurlan Ermek­baev, Ardagerler keńesi tóraǵasy­nyń orynbasary Bek­bolat Muqy­shev soǵys ardagerlerin merekemen qut­tyqtasa,  ardagerler atynan Aıdarhan Baı­ke­nov, Seıilbek Ýsın sóz sóıledi. Sharaǵa Qorǵanys mı­nıstrligi, Syrtqy ister mınıstr­ligi, sheteldik dıplomatııalyq kor­pýstyń, sondaı-aq buqaralyq aqparat quraldarynyń ókilderi qatysty. Anar TО́LEÝHANQYZY.