Sınoptıkter 12 qarashaǵa arnalǵan aýa raıy boljamyn jarııalady, dep habarlaıdy Egemen.kz.
«Elimizdiń shyǵys, ońtústik jáne batys aımaqtaryna aýa raıy jaýyn-shashynsyz bolatyn joǵary qysymdy alqap áser etedi. Respýblıkanyń qalǵan bóligindegi aýa raıyn áli de sıklon jyrasy jáne sonymen baılanysty atmosferalyq fronttar anyqtaıdy. Soǵan baılanysty jaýyn-shashyn jaýyp, soltústik óńirlerde jańbyrdyń sońy qarǵa ulasady. Elimizdiń basym bóliginde jel kúsheıedi, ońtústikte shańdy daýyl soǵady, soltústik aýdandarda jaıaý burqasyn, kóktaıǵaq bolady, batysynda, soltústiginde jáne respýblıkanyń ońtústik-shyǵysyndaǵy taýly aýdandarda tuman túsedi», delingen habarlamada.
Aqmola oblysynyń soltústiginde, batysynda, shyǵysynda, Qostanaı oblysynyń soltústik-shyǵysynda, shyǵysynda kóktaıǵaq, jaıaý burqasyn, tuman túsedi, jel 15-20 m/s deıin kúsheıedi.
Shyǵys Qazaqstan oblysynyń batysynda, Jambyl oblysynyń soltústik-batysynda, shyǵysynda, Alakól kólderiniń aýdanynda, tańerteń jáne kúndiz Túrkistan oblysynyń soltústiginde jáne taýly aýdandarynda, kúndiz Qaraǵandy oblysynyń soltústiginde jel 15-22 m/s kúsheıedi. Túrkistan oblysynyń soltústiginde jáne taýly aýdandarynda shańdy daýyl soǵady, Jambyl oblysynyń shyǵysynda, taýly aýdandarynda tuman túsedi.
Batys Qazaqstan oblysynyń ońtústiginde, Atyraý oblysynyń soltústiginde, túnde jáne tańerteń Mańǵystaý oblysynyń soltústik-shyǵysynda tuman túsedi, Batys Qazaqstan oblysynyń soltústiginde, soltústik-batysynda jel 15-20 m/s jel kúsheıedi, Atyraý oblysynyń soltústiginde kóktaıǵaq bolady.
Kúndiz Aqtóbe oblysynyń soltústiginde kóktaıǵaq bolady.
Soltústik Qazaqstan oblysynyń ońtústik-batysynda túnde jáne tańerteń tuman túsedi, kúndiz jel 15-20 m/s deıin kúsheıedi.
Pavlodar oblysynyń soltústiginde tuman túsedi, kóktaıǵaq bolady, kúndiz oblystyń ońtústiginde 15-20 m/s kúsheıedi.