Jaryǵy jıi sónetin qala

Oblystyq energetıka jáne turǵyn úı-kommýnaldyq sharýa­shylyǵy basqarmasynyń basshysy Erlan Jańabaev oryn alǵan shekteýler boıynsha ahýaldy baıandady. Búginde óńirdiń jalpy elektr energııa­syn tutyný kólemi – 172 megavatt. Onyń 51 megavatyn «Qyzylordajylý-elektror­talyǵy», 10 megavatyn «CKZ-U» seriktestigi óndiredi, qalǵany syrttan jetkiziledi.

Sońǵy kúnderi oblys boıyn­sha táýligine ortasha eseppen 30-50 megavatt elektr ener­­gııa­synyń jetispeýshiligi baı­qalyp, kúndelikti keshki saǵat

18.00-20.00 aralyǵynda tutyný­shy­larǵa elektr energııa­synyń berilýi shekteldi. Mektepte tús­ten keıin oqıtyn balalar sabaq­tan qaıtatyn mezgilde ja­ryq­tyń bolmaýy kóptegen tur­ǵyndardyń renishin týdyrǵan bolatyn. 

Otyrysta Energetıka mı­nıstrligi Jambyl GRES-iniń 3 jáne 4 blogyn iske qosýǵa sheshim qabyldap otyrǵany aıtyldy. Bul aldaǵy ýaqytta ońtústik óńirdi, onyń ishinde Qyzylorda oblysyn elektr energııasymen tolyq qamtýǵa múmkindik beredi. Aımaqtaǵy energııamen jabdyqtaýshy uıymdar Jambyl GRES-imen qajetti elektr energııasynyń kólemin alýǵa qosymsha keli­simshart jasasty. Alda óńir­ge qajetti elektr energııasy jet­kizilip, shekteýler toqtaty­la­dy.

О́ńir basshysy Tabıǵı monopolııalardy retteý komıtetiniń Qyzylorda oblysy boıynsha departamenti energııa jabdyq­taýshy uıymdar usynǵan elektr energııasynyń shekti baǵasy ótinimin qarap, usynys engizý qajettigin qaperge saldy. Son­daı-aq elektr energııasy ja­ıyndaǵy shaǵymdardy eske­rip, salalyq orynbasary men qala ákimine, basqa da jaýapty ma­mandarǵa turǵyndar arasynda naqty túsindirme jumys­taryn kúsheıtýdi tapsyrdy.

– Sizder qazirgi jaǵdaıǵa baılanysty qajetti kelisimder men naqty mehanızmderdi qabyl­daýǵa mindettisizder. Jetis­peýshilik bolǵan jaǵdaıda elektr taratý mekemelerindegi rezervtik resýrstardy paıdalanyp, jurt qınalmastaı amal jasaý qajet. Turǵyndar jaryq pen jylýdan qıyndyq kórmeýi tıis,– dedi G.Ábdiqalyqova.

Jıyn sońynda oblys ákimi oblystyq energetıka jáne tur­ǵyn úı-kommýnaldyq sharýa­shylyq basqarmasy men kom­mýnaldyq mekeme basshylaryna jylý berý maýsymynyń turaqty ótýin qamtamasyz etýdi tapsyrdy.

Qyzylorda oblysy