Muhıttyń arǵy betinde jalǵan aqparat taratýshylardyń qarasy sıreıtin emes. AQSh-ta úsh birdeı joǵary oqý ornynyń stýdentteri shuǵyl evakýasııalandy, dep habarlaıdy Egemen.kz.
Ońtústik Kalıfornııa, Nıý-Iork ýnıversıteti jáne Massachýsets tehnologııalyq ınstıtýtynyń stýdentteri búgin shuǵyl túrde evakýasııalandy.
Oqıǵa ornyna polısııa qyzmetkerleri keldi. Olar ǵımarattardy tekserip, ýnıversıtet aýmaǵynda jarylǵysh zattyń joq ekenin anyqtap, túsken habarlamany jalǵan dep tanydy. Qazir bilim ordalary qalypty jaǵdaıda jumys isteýde.
Amerıkalyq telearnalardyń habarlaýynsha, sońǵy aptada birneshe ýnıversıtettiń qyzmetkerleri men stýdentteri jedel kóshirilgen. «Jarylǵysh zat bar» degen habarlamanyń barlyǵy jalǵan bolyp shyqqan. «Habardy taratqandar jazasyz qalmaıdy», deıdi jaýaptylar.