Elimizdegi alty oblys aýmaǵynda qolaısyz aýa raıyna baılanysty eskertý jarııalandy, dep habarlaıdy Egemen.kz Qazgıdrometke silteme jasap.
13 qarashada kúndiz Soltústik Qazaqstan oblysynyń basym bóliginde jańbyr, qar jaýady. Oblystyń soltústiginde, batysynda kóktaıǵaq bolady, jaıaý burqasyn soǵýy yqtımal. Túnde jáne tańerteń oblystyń batysynda tuman túsedi. Ońtústik-batystan jel soǵady, túnde oblystyń ońtústik-batysynda jyldamdyǵy 15-20 m/s bolady, kúndiz oblystyń basym bóliginde 15-20 m/s, oblystyń ońtústik-batysynda ekpini 25 m/s jetedi.
Petropavlda erteń kúndiz kóktaıǵaq bolady, jaıaý burqasyn soǵýy múmkin. Ońtústik-batystan jel soǵady, jyldamdyǵy 15-20 m/s jetedi.
13 qarashada túnde jáne tańerteń Qaraǵandy oblysynyń ońtústiginde tuman túsedi. Kúndiz oblystyń soltústik-batysynda kóktaıǵaq bolady, jaıaý burqasyn soǵady. Ońtústik-batystan jel soǵady, kúndiz oblystyń soltústiginde ekpini 15-20 m/s jetedi.
Batys Qazaqstan oblysynyń soltústik-batysynda, soltústiginde, shyǵysynda kóktaıǵaq bolady, jaıaý burqasyn soǵýy múmkin. Jel ońtústik-batystan soltústik-batysqa aýysady, oblystyń soltústiginde, shyǵysynda ekpini 15-20 m/s jetedi. Oralda erteń kóktaıǵaq bolady, jaıaý borasyn soǵady. Jel ońtústik-batystan soltústik-batysqa aýysady, ekpini 18 m/s jetedi.
13 qarashada Aqmola oblysynyń soltústik-batysynda jáne ońtústik-shyǵysynda kóktaıǵaq bolady, jaıaý burqasyn soǵýy yqtımal. Túnde jáne tańerteń oblystyń soltústik-shyǵysynda tuman túsedi. Ońtústik-batystan jel soǵady, oblystyń soltústiginde, ońtústik-shyǵysynda ekpini 15-20 m/s jetedi. Kókshetaýda erteń tańerteń jáne kúndiz kóktaıǵaq bolady.
Qyzylorda oblysynyń soltústik-batysynda jel batystan, ońtústik-batystan soǵady, jyldamdyǵy 15-20 m/s jetedi.
Aqtóbe oblysynyń soltústiginde, kúndiz basym bóliginde jaıaý burqasyn soǵady, kóktaıǵaq bolýy yqtımal. Ońtústik-batystan jel soǵady, oblystyń soltústiginde jyldamdyǵy 15-20 m/s jetedi. Aqtóbe qalasynda erteń túnde jaıaý burqasyn soǵady, kóktaıǵaq bolýy múmkin. Ońtústik-batystan jel soǵady, ekpini 15-20 m/s jetedi.