Oblys ortalyǵyndaǵy «Bolashaq» saraıynda Serbııanyń astana Belgradta ótken álem chempıonatynyń altyn medalin ıelengen jerlesimiz Temirtas Júsipovke kókshetaýlyq qaýym qurmet kórsetti.
О́ńir basshysy Ermek Marjyqpaev oblysta sportty damytý baǵytynda jasalyp jatqan qadaý-qadaý sharýalarǵa toqtala kelip, el Táýelsizdiginiń 30 jyldyǵynda mereıimizdi asyrǵan jarqyn jeńiske toqtaldy. 33 jasynda álem chempıony atanǵan Temirtas Júsipovti quttyqtap, eki bólmeli páter men 5 mln teńgeniń sertıfıkatyn tabys etti. Chempıonatta jasyndaı jarqyldaǵan jeńimpazdyń jeke bapkeri Qýanyshbaı Qoqyshevqa 2 mln 500 myń teńge kóleminde syıaqy berildi.
Saıdyń tasyndaı kil myqtylar judyryqtasqan chempıonatta top jarǵan Temirtastyń Halyqaralyq dárejedegi sport sheberi, elimizdiń bes dúrkin chempıony, 2013 jylǵy Azııa chempıony, 2015 jylǵy Búkilálemdik boks serııasynyń chempıony, áskerıler arasyndaǵy álemdik dodanyń jeńimpazy ekendigin aıta ketelik. Nesheme jyl boıy tógilgen ter, qajymaı-talmaı etken eńbek zaıa ketken joq. El quramasynyń sapynda birinshi bolyp sharshy alańǵa kóterilip, qazaq boksshylaryna jol ashty. Qazaqstannyń Kók baıraǵyn jelbiretip, Ánuranyn oınatty.
Kóksheniń boks zaldarynda tárbıelenip jatqan jas urpaq Temirtas aǵalaryna uqsap tegeýirindi bolǵysy keledi. Jarqyn jeńis kókiregin nurlandyrǵan keler urpaqtyń da temir judyryqty Temirtastyń jolyn qýary sózsiz.
Kókshetaý qalasy.