Aqmola oblysynda áskerı bólimdi tastap ketken sarbaz izdestirilýde, dep habarlaıdy Egemen.kz.
Oblystyq PD baspasóz qyzmetiniń málimetinshe, bıylǵy qarashanyń 12-de keshki saǵat 21:00 shamasynda Aqkól aýdandyq polısııa bólimine 55209 áskerı bóliminiń qyzmetkeri habarlasqan. Ol merzimdi qyzmetin ótýge kelgen 21 jastaǵy sarbazdyń bólimde joqtyǵyn aıtqan.
Áskerı bólim qyzmetkeriniń aıtýynsha, joǵalǵan sarbaz D.F.Artyqbaev 2021 jyldyń 4 qarashasynda Túrkistan oblysynan merzimdi qyzmetin óteýge kelgen. Qarashanyń 12-de keshki saǵat 19:30 tekserý kezinde ol bólimdi óz erkimen tastap ketken.
«Joǵalǵan sarbazdy izdeýge áskerı bólimniń jeke quramynan izdeý toby quryldy. Sonymen birge, Aqmola oblystyq PD aýdandyq Polısııa bólimsheleri, Aqkól aýdandyq PB jeke quramy, sondaı-aq, jelilik polısııa patrýli men qoǵam ókilderi jumyldyryldy», dedi vedomstvonyń baspasóz qyzmeti. Qazirgi kezde joǵalǵan sarbazdyń qaıda ekeni belgisiz, izdeý jumysy jalǵasyp jatyr.