Almatyda jaýǵan jaýynnyń arty qarǵa ulasty, dep habarlaıdy Egemen.kz.
Keshe túngi 01.00-de bastalǵan jaýyn-shashynnyń artynan 9.00-de taýly jáne taý bókterlerindegi aımaqtarǵa 40 sm, al qalaǵa 5-8 sm qar tústi.
Qalanyń joǵarǵy bóliginde kóktaıǵaqtyń aldyn alý úshin qar jaýa bastasymen kóktaıǵaqqa qarsy materıal sebilip, qar tazalaý bastaldy. Trotýar, jaıaý júrginshi alańdary, qoǵamdyq kólik aıaldamalary, qaltarystaǵy joldardy jáne basqa da qoǵamdyq oryndardy tazalaýǵa kóńil bólindi.
Oǵan túnde 498 tehnıka jumyldyryldy, onyń 178-i qum shashatyn tehnıka. Sonymen qatar 280 jumysshysy jol tazalaýǵa shyqty. Saǵat 09.00-degi jaǵdaı boıynsha qalada 920 tonna taıǵaqqa qarsy materıal paıdalanyldy.
Búgin tańerteń 545 tehnıka, onyń ishinde 197 qum shashqysh pen 1 494 jol jumysshysy jumyldyryldy. Qazgıdromettiń boljamy boıynsha jaýyn-shashyn búgin tústen keıin toqtaıdy.