Qazgıdromet sınoptıkteri 16-18 qarashaǵa arnalǵan aýa raıy boljamyn jarııalady, dep habarlaıdy Egemen.kz.
Boljam boıynsha, antlantıkalyq sıklonmen jáne atmosferalyq fronttardyń ótýimen Qazaqstannyń basym bóliginde jaýyn-shashyn (jańbyr, qar), soltústik oblystarda qar, tuman, kóktaıǵaq, ekpindi jaýyn-shashyn, borandy jel kútiledi.
«17-18 qarashada ońtústik, ońtústik-shyǵys óńirlerde qatty jaýyn-shashyn kútiledi, 18 qarashada sýyq soltústik-batys antısıklonnyń enýimen respýblıkanyń batysynda jaýyn-shashyn toqtaıdy. Aýa temperatýrasy soltústik-batysta túnde 12-17 gradýsqa deıin aıaz, kúndiz 7-12 gradýsqa deıin aıaz, soltústikte, ortalyqta túnde 13-20 gradýsqa deıin, kúndiz 5-15 gradýsqa deıin aıaz bolady. Shyǵysta túnde 6-18 gradýsqa deıin aıaz, kúndiz 1-10 gradýsqa deıin aıaz, ońtústik óńirlerde túnde 5-13 gradýsqa deıin aıaz, kúndiz 5 gradýsqa deıin jyly bolady», delingen habarlamada.