Erteń Memleket basshysy Qasym-Jomart Toqaev Ulttyq qoǵamdyq senim keńesiniń altynshy otyrysyna qatysady, dep habarlaıdy Egemen.kz.
Bul týraly Prezıdenttiń baspasóz hatshysy Berik Ýálı Facebook paraqshasynda jazdy. «Jıyn barysynda Prezıdenttiń Ulttyq keńes aıasynda buǵan deıin bergen tapsyrmalarynyń oryndalý barysy, sondaı-aq UQSK músheleriniń qoǵamdyq, áleýmettik-ekonomıkalyq jáne óńirlik damý máseleleri jónindegi usynystary talqylanady dep josparlanýda. Otyrys Keńestiń óńirlerdegi músheleriniń qatysýymen onlaın formatta ótedi», dep jazdy Berik Ýálı.
Prezıdenttiń baspasóz qyzmeti 15:00-de Facebook áleýmettik jelisindegi AkordaPress paraqshasy arqyly UQSK jıynynan tikeleı kórsetilim uıymdastyrady.