Qazaqstanda sybaılas jemqorlyqpen kúresý úshin komıssarlar taǵaıyndalyp, jýrnalıstik tergeýler zańdastyrylady. Bul týraly QR Sybaılas jemqorlyqqa qarsy is-qımyl agenttiginiń tóraǵasy Marat Ahmetjanov úkimettik emes uıymdardyń ókilderimen onlaın-kezdesý barysynda málimdedi, dep habarlaıdy Egemen.kz.
«Negizgi baǵyttar – sybaılas jemqorlyq táýekelderin anyqtaý jáne joıý, sybaılas jemqorlyqqa qarsy mádenıetti nyǵaıtý, kvazımemlekettik sektorda komplaıens qyzmetin kúsheıtý. Memlekettik organdardyń mindeti – olardy qalalar men aýyldardy qosa alǵanda, barlyq deńgeılerde tıimdi iske asyrý. Ol úshin árbir memlekettik organda jobalyq ofıster qurylǵan, olar arqyly qoǵamdy tarta otyryp, «Adaldyq alańy» qyzmeti jalǵasatyn bolady. Bul jerde eń bastysy – áriptestik, ashyqtyq qaǵıdattarynda jáne shekten tys bıýrokratııasyz ózara is-qımyl. Osylaısha, negizgi sybaılas jemqorlyqqa qarsy baǵyttar arqyly mınıstrlikter men ákimdikterdiń jumysyn úılestirip, memlekettiń sybaılas jemqorlyqqa qarsy saıasatyn júrgizetin bolamyz. Biz barlyǵymyz úshin maqsatty ındıkatorlardy ázirledik. О́ńirlerde olarǵa osy vedomstvolarda arnaıy taǵaıyndalǵan qyzmetkerler qol jetkizetin bolady. Olar sybaılas jemqorlyqqa qarsy komıssarlar dep atalady. Árıne, olar qoǵam ókilderimen bir topta jumys isteıtin bolady», dep túsindirdi M.Ahmetjanov.
Sondaı-aq agenttik basshysy batys elderinde BAQ-ta sybaılas jemqorlyq faktileri týraly bir ǵana jarııalanym tıisti tekserýlerge sebep bolatynyn atap ótti. Sondyqtan jýrnalıstik zertteý ınstıtýtyn engizý, jýrnalısterdiń quqyqtaryn qorǵaýdyń zańnamalyq shekteri men kepildikterin belgileý usynylady.