Memleket basshysy Nursultan Nazarbaev Parlament Májilisiniń Tóraǵasy Nurlan Nyǵmatýlındi qabyldady. N.Nyǵmatýlın Memleket basshysyna Parlament Májilisiniń jumysy týraly baıandady, dep habarlady Prezıdenttiń baspasóz qyzmeti.
Kezdesýde Prezıdent Joldaýyn tıimdi iske asyrý jáne «Qazaqstan-2050» Strategııasyn quqyqtyq qamtamasyz etý úshin qajetti zań jobalary talqylandy.
N.Nyǵmatýlın Memleket basshysyn Parlament Májilisiniń zańnamalyq qyzmeti jóninde habardar etti, sondaı-aq, Prezıdent Joldaýyn túsindirý úshin depýtattardyń óńirlerge saparynyń qorytyndysy týraly aıtty.
Májilis Tóraǵasy parlamentshilerdiń halyqpen jalpy sany 1300-den asa kezdesýi ótkenin, olarǵa 140 myńdaı adam qatysqanyn málimdedi.
Sondaı-aq, N.Nyǵmatýlın V saılanymdaǵy Parlament jumysy kezeńinde 255 zań jobasy qaraý úshin qabyldanǵanyn, onyń 21-ine depýtattardyń bastamashylyq etkenin atap ótti. Senatqa 183 zań jobasy joldanǵan, qazir onyń 173-i zańǵa aınaldy. Búginde Májilistiń zańnama qorjynynda 60 zań jobasy qaralýda.
Kezdesý qorytyndysynda Memleket basshysy birqatar naqty mindetter júktedi.
-----------------------------------------
Sýretti túsirgender
S.BONDARENKO, B.OTARBAEV.