«Shaǵyn bızneske arnalǵan 100 joba»

Elbasy N.Nazarbaev ótken jyl­dyń sońynda ınvestısııalyq jobalardyń tusaýkeserine arnal­ǵan telekópirde Ulttyq kásipker­ler palatasyna «Shaǵyn bızneske arnalǵan 100 joba» atty anyqta­ma kitabyn jasap shyǵarýdy tap­syrǵan bolatyn. «Bul kitap búgingi tańda elimizdegi eńbekqor azamattardy turaqty tabys kózimen jáne jumyspen qamtamasyz etedi. Qazaqstanda 500 myńnan astam kópbalaly ana, 600 myńnan astam múmkindigi shekteýli jandar, 570 myńǵa jýyq stýdentter men 1,7 mln. zeınet jasyndaǵy otandasta­rymyz turýda. Bul kitap sol azamat­tarǵa da óz isimen aınalysýǵa úlken kómegin tıgizedi...» degen edi  sol joly Nursultan Ábishuly. Osyǵan oraı, Ońtústik Qazaq­stan oblysy Kásipkerler palatasynda «Shaǵyn bızneske ar­nal­ǵan 100 joba» atty kitaptyń tusaýkeseri ótti. Qazaqstanda alǵash ret jaryqqa shyqqan bul kitapta shaǵyn bıznespen aınalysýǵa sep­tigin tıgizetin jáne ár salaly 100 shaǵyn bıznes josparlar kór­setilgen. Sonymen qatar, kitapta ká­sipti bastaýǵa qarjy tabý kózderi, memlekettik baǵdarlamalardyń sharttary, qural-jabdyqtardy jetkizý men qamtamasyz etý, bız­nesti oqytý jáne taǵy da basqa aqparattar qamtylǵan. – О́z kásibińdi bastaý – árdaıym kóptegen suraqtar men máselelerdi sheshýdi talap etedi, – deıdi OQO Kásipkerler palatasynyń dırektory Nurjan Áltaev. – Basylymda kásipkerge alǵashqy esepterin durys jasaýǵa járdem bolatyn naqty aqparat kórsetilgen. Kási­biniń damyp, órge domalaý­yn qamtamasyz etý úshin, bıznes áleminiń basty máselelerin aı­qyndap, olardy sheshýge jol baǵyttaıtyn osy kitapty jańa kásip­kerlerge usynyp otyrmyz. Bıznes álemine endi bet bu­ryp, óz isin jańadan bastap jat­qan kásipkerler oblys halqyn, ásire­se aýyl-aımaq turǵyndaryn kásip­kerlikke baýlý men úıretýdi basty maqsat tutqan bul kitaptyń kópte­gen esep-qısapty júrgizýge ketetin ýaqytty únemdeıtinine senimdi. Oralhan DÁÝIT, «Egemen Qazaqstan». Ońtústik Qazaqstan oblysy.