Bangladeshte ótip jatqan sadaq atýdan Azııa chempıonatynda Qazaqstan quramasy sátti óner kórsetýde. Keshe qyzdar arasyndaǵy komandalyq synda jerlesterimiz qola júldege qol jetkizdi.
Qazaqstannyń Ulttyq Olımpıada komıtetiniń málimeti boıynsha klassıkalyq sadaq atýdan komandalyq jarysta Qazaqstan qyzdar komandasy úzdikter qatarynan kórindi. Quramynda Roksana Iýnýsova, Vıktorııa Lıan jáne Dıana Makarchýk syndy tájirıbeli sportshylary bar bizdiń qurama kishi fınalda Úndistan komandasymen kezdesip, tartysty ótken básekede 220:208 esebimen jeńis toıyn toılady. Osylaısha, qazaqstandyqtar qurlyq dodasynyń qola medalin oljalady.
Al erler arasyndaǵy synda Sanjar Musaev, Ilfat Abdýllın jáne Dáýletkeldi Jańbyrbaı jarys qojaıyndary – Bangladesh komandasyna 2:6 esebimen jol berdi.