Qazaqstan tennıs federasııasy halyqaralyq deńgeıdegi pozısııasyn nyǵaıtyp jatyr, dep habarlaıdy Egemen.kz QTF baspasóz qyzmetine silteme jasap.
Qazaqstan tennıs federasııasynyń Vıse-prezıdenti Iýrıı Polskıı Azııa tennıs federasııasy (ATF) dırektorlar keńesiniń múshesi bolyp saılandy. Qazaqstandyq 17 úmitker arasynda kóp daýys jınap keńeske ótti. Osylaısha, aldaǵy 2 jylda Azııa tennıs federasııasynyń basqarýshy organynda elimizdiń ókili otyrady dep aıtýǵa bolady. Bul Qazaqstannyń tennıs federasııasy bedeliniń jáne onyń halyqaralyq deńgeıde joǵary dárejede ustap turýynyń kezekti dáleli bolyp sanalady.«Jaqynda ATF otyrysy ótti. Bıylǵy jyldyń nátıjeleri men Azııadaǵy tennısti damytýdyń 2022 jylǵa arnalǵan josparlary talqylandy. Azııa sportshylarynyń nátıjeleri atap ótildi. Aıta ketý kerek, qazaqstandyq tennısshiler árdaıym joǵary oryndarǵa ıe bolyp júr. Atap aıtqanda, erler reıtınginde Azııanyń birinshi raketkasy - Aleksandr Býblık, áıelder reıtıngisinde - Elena Rybakına ekinshi, al Iýlııa Pýtınseva úshinshi orynda tur. Sonymen qatar, Rybakına Tokıo Olımpıadasynda keremet óner kórsetti, ol medaldar úshin talasta tórtinshi orynǵa ıe boldy. Kelesi jyly Azııadaǵy neǵurlym belsendi yntymaqtastyq qajet ekenin talqylandy. Qazaqstan tennıs federasııasyna 12 jasqa deıingi joba – Qazaqstan tennıs federasııasynyń prezıdenti Bolat О́temuratov bólgen qarajat esebinen búkil álem boıynsha qarjylandyrylatyn komandalyq óńirlik jarystar úshin jeke alǵys bildirildi. Sondaı-aq, jyl saıyn Nur-Sultan qalasynda bıyl 22-28 qarasha aralyǵynda ótetin 12 jasqa deıingi Azııa birinshiliginiń fınaly ótedi. О́z jumysymyzda balalar men jasóspirimder tennısin damytýǵa úlken kóńil bóletin bolamyz. Azııa qurlyǵy qarqyndy damyp kele jatqan qurlyqtyń biri bolyp sanalady, áleýetimiz zor», dep atap ótti Polskıı.
Esterińizge sala keteıik, Azııa tennıs federasııasy Halyqaralyq tennıs federasııasymen baılanysty kommersııalyq emes uıym. ATF - Azııa elderiniń ulttyq tennıs qaýymdastyqtarynyń kontınentaldy organy. Negizgi mindetteri Azııa tennısiniń sapa standartyn damytý jáne arttyrý bolyp sanalady.