QR Ulttyq banki tóraǵasy Erbolat Dosaev Senattyń jalpy otyrysynda elimizde azyq-túlik ınflıasııasy sál tómendegenin aıtty, dep habarlaıdy Egemen.kz.
«Azyq-túlik baǵasynyń ósýi negizgi proınflıasııalyq faktor boldy. Ol jalpy ınflıasııadaǵy úlestiń jartysyn ıelenedi. Azyq-túlik ınflıasııasy ýaqytsha jáne barynsha ornyqty faktorlardyń áserinen sońǵy 5 aıda alǵashqy ret baıaýlap bıylǵy qazanda 11,5-ten 11,3%-ǵa deıin tómendedi. Bıylǵy shilde-tamyzda uzaq saqtalatyn kókónister baǵasynyń sońǵy jyldardaǵy rekordtyq ósýi tirkeldi», dedi Erbolat Dosaev.
Ulttyq bank dereginshe, et, ósimdik maıy jáne qant baǵasynyń ósýi ınflıasııany jedeldetýdiń turaqty faktory bolyp qalýda.
Muny ósim deńgeıi boıynsha álemdik trendtermen salystyrýǵa bolady. FAO derekterine sáıkes, bir jylda ettiń álemdik baǵasy orta eseppen - 22,1, ósimdik maıynyń baǵasy – 73,6, qanttyń baǵasy – 40,6%-ǵa ósti.
«Qazaqstanda azyq-túlikke jatpaıtyn ınflıasııa, birinshi kezekte, tutynýshylyq belsendiliktiń qalpyna kelýi aıasynda janar-jaǵar maı jáne uzaq paıdalanylatyn taýarlar baǵasynyń ósýi nátıjesinde jyldamdady. Aqyly qyzmetter ınflıasııasy negizinen elektr energııasy, turǵyn úıdi jaldaý jáne kólik qyzmetteri baǵasynyń ósýi esebinen jyldamdady», dedi ol.