Ýkraınanyń joǵarǵy Radasynda shekarashylardyń qarý qoldaný tártibin ózgertetin zańǵa daýys berildi, dep habarlaıdy Egemen.kz.
Ýkraınanyń Joǵarǵy Radasy zań qabyldady. Oǵan sáıkes eldiń shekara qyzmetiniń jeke quramy áskerı tehnıka men qarý-jaraqty paıdalaný tártibin ózgertedi. О́zderi jańashyldyq dep ataǵan zań jobasyna 271 depýtat maquldap daýys berdi, endi qujatqa Prezıdent qol qoıýy kerek.
Zań bastamashylarynyń biri, «Halyqtyń qyzmetshisi» partııasynyń depýtaty Iýrıı Zdebskıı atap ótkendeı, búgingi tańda Reseı, Belarýs jáne Moldovamen shekaradaǵy jer ýchaskesiniń 70%-y belgilenbegen.
«Táýelsizdiktiń 30 jyly ishinde bizdiń shekaramyzdyń boıyndaǵy jerler bólindi. Shekarashylar búginde eskertý belgilerin qoıýǵa májbúr bolyp otyr. Shekara dál orman alqaptary arqyly ótedi. Olar tipti óz mindetterin qalypty túrde oryndaı almaıdy. Shyn máninde, shekarada adam ótetin qýys bar», dedi Zdebskıı óz sózinde.
Ol buǵan deıin shekarashylar IIM buıryqtaryn basshylyqqa ala otyryp, barlyq kúshter men quraldardy qoldanǵanyn, al qujat qabyldanǵan jaǵdaıda tehnıkany zańdy túrde «joǵarydan» qosymsha buıryqtarsyz qoldana alatyndyǵyn atap ótti.
Jańa zań shekara qyzmetiniń qyzmetkerlerine óz qalaýy boıynsha adamdardan zattaı dáleldemeler nemese bireýdiń ómiri men densaýlyǵyna zııan keltirýi múmkin jeke zattaryn alýǵa múmkindik beredi. Sondaı-aq, zań atys qarýyn áskerı nemese Memlekettik qyzmet qyzmetkerine, olardyń ómirine nemese densaýlyǵyna qaýip tóngen jaǵdaıda shabýyldy toıtarý, adamdardy shabýyldan qorǵaý úshin paıdalanýǵa múmkindik beredi.
Buǵan deıin Ýkraınanyń eks-prezıdenti Petr Poroshenko qazirgi bılikten kóshi-qon daǵdarysyna baılanysty Belarýs elimen shekarada ásker ornalastyrýdy talap etken bolatyn. Zelenskıı keńsesiniń shtattan tys keńesshisi Alekseı Arestovıch Polsha-Belarýs shekarasyndaǵy shıelenisti jaǵdaıdy Reseı Federasııasynyń josparlanǵan operasııasy dep atady.
Buǵan BAQ Kıev shekarany nyǵaıtý úshin shamamen 800 myń dollar bóletinin habarlaǵan bolatyn.