Taıaýda Almaty qalalyq Bilim basqarmasy men Abaı atyndaǵy QazUPÝ arasynda arnaıy memorandým jasalyp, pedagogıkalyq kadrlardyń úzdiksiz tájirıbeden ótýine baılanysty naqty qadamdar bekitilgen bolatyn.
Ýnıversıtet rektory Darhan Bilálovtyń aıtýynsha, joǵary oqý oryndarynyń basshylary pedagogıkalyq joǵary oqý orny men orta bilim berý oryndary arasyndaǵy birlesken jumystardy, stýdentterdiń óndiristik tájirıbeni qalaı ótip jatqandyǵy týraly der kezinde bilip otyrý yntymaqtastyq aıasyndaǵy mańyzdy sharttardyń biri.
Osy oraıda yntymaqtastyq sharttaryn júzege asyrý maqsatynda qaladaǵy №19 orta mektepte Abaı atyndaǵy QazUPÝ Matematıka, fızıka jáne ınformatıka ınstıtýtynyń 4-shi kýrs stýdenti Ásem Saǵymbek matematıka páninen ashyq sabaq ótip, oǵan ýnıversıtet rektory Darhan Bilálov, Medeý aýdandyq bilim berý bóliminiń basshysy Aǵaısha Saparova, №19 jalpy bilim beretin mekteptiń dırektory Aıymgúl Imanǵalıeva, dırektordyń oqý isi jónindegi orynbasary Shyńǵys Ábdimanap, sondaı-aq pedagogıkalyq praktıka jetekshisi Larısa Jadyraeva qatysty.
Darhan Bilálov bolashaq pedagogpen keri baılanys barysynda praktıkanttyń pedagogıkalyq ádis-tásilderdi qoldanýyna qatysty óz pikirin aıtyp, tájirıbesimen bólisti. Ol №19 mektep oqýshylarymen jáne bir jyldyq tájirıbeden ótip jatqan stýdenttermen kezdesip, túrli máseleler boıynsha oı bólisti. Rektor ýnıversıtet basshylyǵynyń qatysýymen ótetin ashyq sabaqtar toptamasy aldaǵy ýaqytta da jalǵasatynyn atap ótip, endigi kezekte ýnıversıtettegi prorektorlar men ınstıtýt dırektorlary eki apta boıy ashyq sabaqtarǵa qatysatyndyǵyn jetkizdi.
Memorandým aıasynda ýnıversıtet stýdentterine kásibı daǵdylaryn damytýǵa, taǵylymdamadan ótýge jáne túlekterdiń jumysqa ornalasýyna baılanysty keńester birilip, jastar saıasaty salasyndaǵy tıimdi yntymaqtastyq esebinen zııatkerlik elıtany qalyptastyrýǵa baǵyttalǵan basymdyqtardy, birlesken mádenı-bilim berý baǵdarlamalar men jobalardy júzege asyrý, joǵary oqý oryndary men jalpy bilim beretin mektep oqytýshylarynyń biliktiligin arttyrý jumystary iske asatyn bolady.
ALMATY