Qazaqstan Respýblıkasy Parlamenti Senatynyń depýtattary Qazaqstan Respýblıkasynyń Tuńǵysh Prezıdenti – Elbasynyń kitaphanasynda bolyp, ondaǵy mýzeıde beıneleý óneri kolleksııalarynyń «portretter» taqyryby boıynsha jınaqtalǵan qor kórmesiniń ashylýyna qatysty, dep habarlaıdy Egemen.kz Senattyń baspasóz qyzmetine silteme jasap.
Depýtattar memlekettik mańyzdy merekeler qarsańynda kórme men murajaıǵa qoıylǵan zattarmen tanysty. Senatorlar sonymen qatar qazirgi Qazaqstannyń qalyptasýy men damýyndaǵy tarıhı kezeńderdiń jan-jaqty ashylýy men túsinýdiń mańyzdylyǵyn atap ótti.
Uıymdastyrýshylardyń aıtýynsha, Qazaqstan Respýblıkasynyń Tuńǵysh Prezıdenti kúni qarsańynda ashylǵan kórme Táýelsizdik qundylyqtaryn odan ári ilgeriletýge óz úlesin qosyp otyr. Olar avtordyń erekshe tehnıkasy men janrlar boıynsha túrli materıaldan sátti jasaǵan kórkem jáne sándik-qoldaný turǵysyndaǵy óner týyndylaryn parlamentshilerge kórsetti.