Oralda gaz aýa qospasy jarylyp, er adam kúıik jaraqatyn aldy, dep habarlaıdy Egemen.kz.
BQO TJ departamentiniń baspasóz qyzmeti málim etkenindeı, oqıǵa 19 qarasha kúni saǵat 05.58-de «Jańa orda» shaǵynaýdanyndaǵy 5 qabatty úıde boldy. Tórtinshi qabattaǵy páterde gaz aýa qospasy jarylyp, 1994 jylǵy er adam kúıik jaraqatyn alǵan. Ol qalalyq kópbeıindi aýrýhanaǵa jetkizildi.
«Atalǵan turǵyn moınynan, qolynan, keýdesinen 30-31 paıyz kólemde úshinshi dárejeli kúıik jaraqatyn alǵan. Ol anasymen birge páter jaldap turǵan. Oqıǵa bolǵan kezde anasy úıde bolmaǵan. Qazirgi kezde oqıǵanyń mán-jaıy anyqtalyp jatyr», dedi departament bastyǵy Ernur О́tegenov óńirlik kommýnıkasııalar qyzmeti alańynda ótken brıfıngide.