Búgin Qazaqstan Respýblıkasy Táýelsizdiginiń 30 jyldyǵy aıasynda jáne 1 jeltoqsan – Tuńǵysh Prezıdent kúnine oraı «Elbasy – túrki ıntegrasııasynyń arhıtektory» atty túrkitildes elder jac ǵalymdarynyń halyqaralyq ǵylymı-praktıkalyq onlaın konferensııasy ótti, dep jazady Egemen.kz.
Halyqaralyq Túrki akademııasy Qazaqstan Respýblıkasynyń Aqparat jáne qoǵamdyq damý mınıstrligimen birlesip uıymdastyrǵan alqaly jıynǵa Túrki akademııasynyń prezıdenti Darhan Qydyráli, Aqparat jáne qoǵamdyq damý mınıstriniń orynbasary Asqar Omarov, Qoja Ahmet Iаsaýı atyndaǵy halyqaralyq qazaq-túrik ýnıversıtetiniń prezıdenti Janar Temirbekova, Nursultan Nazarbaev qory atqarýshy dırektorynyń orynbasary Álkeı Marǵulanuly, Bozok ýnıversıtetiniń professory, ákimshilik jáne ekonomıka ǵylymdary fakýltetiniń dekany Kýrshad Zorlý, sonymen qatar Qazaqstan, Ázerbaıjan, Túrkııa, Tatarstan (Reseı Federasııasy), Bashqurtstan (Reseı Federasııasy), Qyrǵyzstan, О́zbekstan, Mońǵolııa elderiniń tanymal jas ǵalymdary qatysty.
Konferensııanyń ashylýynda sóz alǵan Akademııa basshysy Darhan Qydyráli Qazaqstan Respýblıkasynyń Tuńǵysh Prezıdenti ̶ Elbasy N.Nazarbaevtyń azattyqtyń araıly tańynan bastap búginge deıin túrki ıntegrasııasynyń irgesin berik qalap, baıandy bastamalardy júzege asyrǵanyna toqtaldy.
О́z kezeginde Qazaqstan Respýblıkasy Aqparat jáne qoǵamdyq damý vıse-mınıstri Asqar Omarov Elbasynyń túrki birligin nyǵaıtýǵa aıryqsha nazar aýdarǵany jáne baýyrlastyq baılanystardy damyta otyryp, qýatty aımaqtyq strategııany qalyptastyrýdaǵy erekshe rólin atap ótti.
Jıynda Qoja Ahmet Iаsaýı atyndaǵy halyqaralyq qazaq-túrik ýnıversıtetiniń prezıdenti J.Temirbekova Elbasynyń Túrkistanda irgeli bilim ordasyn qurýdaǵy eńbegine toqtalsa, professor Kýrshad Zorlý N. Nazarbaevtyń túrki yntymaqtastyǵyn qalyptastyrýdaǵy dara jolyn tujyrymdap berdi.
Alqaly jıynnnyń plenarlyq otyrysyn Halyqaralyq Túrki akademııasynyń vıse-prezıdenti Fýzýlı Madjıdlı júrgizip otyrdy.
Sonymen qatar, alqaly jıynda N.Nazarbaev qory janyndaǵy álem ekonomıkasy men saıasaty ınstıtýtynyń dırektory Erjan Saltybaev, Baký memlekettik ýnıversıteti jýrnalıstıka fakýltetiniń dekany Výgar Alıev, О́zbekstan Ǵylym akademııasy Arheologııa ulttyq ortalyǵynyń dırektory Farhad Maksýdov, ICOMOS ulttyq komıtetiniń vıse-prezıdenti, Qazan ýnıversıteti Halyqaralyq qatynastar ınstıtýty dırektorynyń orynbasary Rafael Valeev jáne qyrǵyzstandyq jas ǵalym Nýrdın Ýseev plenarlyq otyrys aıasynda mazmundy baıandamalar jasap, Qazaqstan Respýblıkasynyń Tuńǵysh Prezıdenti – Elbasy N.Á. Nazarbaevtyń baýyrlastyq baılanystardyń negizin salyp, ıntegrasııalyq uıymdardy qurý bastamalary týraly paıymdy pikirlerimen bólisti.
Budan keıin konferensııa «Ǵylym jáne bilim», «Ekonomıka jáne tranzıt», «Túrkologııa» taqyryptaryndaǵy seksııalyq otyrystarǵa jalǵasty.